މާލެ ސަރަހައްދުގައި ހަރަކާތްތެރިވާ ފުލުހުން ޓޭޒާ ގަން ބޭނުން ކުރަން ފަށައިފިއެވެ.
ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވީ ޓޭޒާ ގަން ބޭނުން ކުރަން ސާޖެންޓް އަދި އެއަށް ވުރެ މަތީ ރޭންކުތަކުގައި ޓޭޒާ ގަން ބޭނުން ކުރުމުގެ ތަމްރީނު ދީފައިވާ ފަރާތްތަކުން ކަމަށެވެ.
ޓޭޒާ ގަން ޖެހުމުން:
- މީހާ ވަގުތުން ވެއްޓޭ
- ފަސް ވަރަކަށް ސިކުންތަށް މީހާގެ ހަރަކާތް ހުއްޓޭ
- ޓޭޒާ ގަން އިން ބޭނުން ނަމަ ވަގުތު އިތުރުކުރެވޭ
- ބަޑި ބޭނުންކުރުމަށް ފަހު "އާފްޓާ ކެއާ" ދެވޭ
މި ޓޭޒާ ގަން ބޭން ކުރާ ކޮންމެ ޕޮލިސް އޮފިސަރެއްގެވެސް ޔުނިފޯމްގައި ބޮޑީވޯން ކެމެރާ ހުންނާނީ ހަރުކޮށްފައެވެ. އެއްވެސް ހާލަތެއްގައި ޓޭޒާގަން ބޭނުންކުރާނަމަ، ބޮޑީވޯން ކެމެރާއަށް އެސަރަހައްދުގައި ހިނގާ ހުރިހާކަމެއް ރެކޯޑު ކުރެވިގެންދާނެއެވެ.
ފުލުހުންނަށް ހަތިޔާރު ނުލިބޭތީ، ކުށުގެ ވެށި އެންމެ އެކަށީގެން ވާ ގޮތެއްގައި ކޮންޓްރޯލް ނުކުރެވޭ ވާހަކަތައް ދައްކާތާ އެތައް ދުވަހެއް ވަނީ ވެފައެވެ. އަދި އެ ބާރު ހޯދުމަށް ފުލުހުންގެ ގާނޫނަށް ގިނަ އިސްލާހުތަކެއް ހުށަހަޅާ ފާސް ވެސް ކޮށްފައި ވެއެވެ.
ޓޭޒާ ގަންއަކީ އެމެރިކާގައި ތައްޔާރުކޮށް، މިހާރު ދުނިޔޭގެ ކުރިއަރާފައިވާ ގިނަ ގައުމުތަކުގައި ބޭނުން ކުރަމުންދާ ވަސީލަތެކެވެ.
