ޗާގޯސް ރަށްތަކުގެ ބާރުވެރިކަން މޮރިޝަސް އަށް އޮތް ކަމަށް ސަރުކާރުން އެއްބަސްވެ ނެގި ސްޓޭންޑަށް އިދިކޮޅުގެ ވެރިކަމެއްގައި އިހްތިރާމް ނުކުރާނެ ކަމަށް ކުރީގެ ރައީސް އަބްދުﷲ ޔާމީން ވިދާޅުވި ވާހަކަ އަށް ސަރުކާރުން ރައްދު ދީފިއެވެ.
ނޫސްވެރިއަކު ކުރި ސުވާލަކަށް ޖަވާބު ދެއްވަމުން، ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވީ:
- ޗާގޯސް ރަށްތަކުގެ މައްސަލައިގައި ސަރުކާރުން ދެން އިތުރަށް ނިންމަން ޖެހޭ ކަމެއް ނެތް ކަމަށް
- ޔާމީން އެ ނިންމުން ބަދަލު ކުރައްވަން ޖެހޭ ސަބަބެއް ވެސް ނެތް ކަމަށް
މިއުވާން ވިދާޅުވި ގޮތުގައި، ބައިނަލްއަގުވާމީ ކޯޓަކުން ނިންމާ ނިންމުމަކާ ޔާމީން ހިލާފުވެ ވަޑައިގަންނަވަން ބޭނުންފުޅު ވުމަކީ އެއީ އެ ބޭފުޅުންގެ އަމިއްލަ ކަމެއް ކަމަށެވެ. އަދި ރާއްޖޭގެ ސްޓޭންޑް ބަދަލުވާނެ ކަމެއް ނޯންނާނެ ކަމަށް ވިދާޅުވިއެވެ.
އޭގެ އިތުރުން އޭނާ ވިދާޅުވީ، އައިސީޖޭ މައްސަލައިގައި ނިންމި ނިންމުން ތަންފީޒު ކުރުމަށް އދ. ގެ އާންމު މަޖިލިހަށް ހުށަހެޅިއްޖެ ނަމަ، އެއިރަކު އޮންނަ ސަރުކާރަކުން އެ ސަރުކާރެއްގެ ހާރިޖީ ސިޔާސަތާ އެއްގޮތަށް ވޯޓު ދޭނެ ކަމަށެވެ. މި ސަރުކާރުގެ ހާރިޖީ ސިޔާސަތަކީ އިސްތިއުމާރު ކުރުމާ ދެކޮޅުވުން ކަމަށް، އޭނާ ވިދާޅުވިއެވެ.
އިދިކޮޅު ޕީޕީއެމްގެ އޮފީހުގައި ރޭ ބޭއްވި ޖަލްސާގައި ޔާމީން ވިދާޅުވީ، ޗާގޯސް ރަށްތަކުގެ މައްސަލައިގައި ރާއްޖޭން ގެންގުޅުނު ސްޓޭންޑް ބަދަލުކުރުމުގެ ސަބަބުން ރާއްޖޭގެ ކަނޑުގެ ސަރަހައްދުން ބައެއް ގެއްލިދާނެ ކަމުގެ ބިރު ހީވެފައި އެބައޮތް ކަމަށާއި، އިދިކޮޅުގެ ވެރިކަމެއްގައި މި ސަރުކާރުގެ ސްޓޭންޑް އަނބުރާ "ޖަހާނަން" ކަމަށެވެ.
"ﷲގެ ރަހުމަތާ އެކީ 2023 އަކީ ދިވެހި ރައްޔިތުންގެ އަހަރެއް ކަމަށް ވަންޏާ، އަޅުގަނޑުމެންނަށް ސަރުކާރު ލިބިއްޖެ ކަމަށް ވަންޏާ، ގާނޫނާ ހިލާފަށް، ގާނޫނުއަސާސީއާ ހިލާފަށް މިހާރު ސަރުކާރުން މި މައްސަލައިގައި ކޮށްގެން އުޅޭ ކަންތަކަށް އަޅުގަނޑު އިހުތިރާމެއް ނުކުރާނަން. އެކަން އަނބުރާ ޖަހާނަން." ޔާމީން ވިދާޅުވިއެވެ.
ރައީސް މޮރިޝަސް އަށް ފޮނުއްވި ސިޓީފުޅު ހޯދަން ނަޝީދުގެ ފެކްޝަނުން ގޮވާލައިފި ސިޓީ ފުޅޭ އެއީ ކީއްވެތޭ ރައީސް އަށް ވީމާ އޭނާ ފޮނުވާ ސިޓީ ތައް ސިޓީ ފުޅަށް ވެފައި އޭނާ އެމަގާމަށް ގެނައި ރައްޔިތުން ފޮނުވާ ސިޓީ ކައްޕަޅި ސިޓީ ތަކަށް ވާންވީ އެގޮތަށް އެކަން ވެގެން ނުވާނެއޭ ރައީސް ވެސް ފޮނުވާނީ ސިޓީއޭ ކޮން ފުޅެއްތޭ ފުޅު ތަމެން އޮޅާލަބަލަ ދެން އަނެއް ކޮޅުން ރައީސް އިބޫ އާއި މިހާރު ޑިޖިޓަލޭ މިނިސްޓަރު މެން މޮރިޝަސް އަށް ކުރި ދަތުރު ގައި ޑިޖިޓަލޭ ބުނެގެން ކުރިކަމެކޭ ޑިޖިޓަލޭ މެން ފަދަ ގަމާރު ބީތާ އިސްލާމް ދީން ގަބޫލުނުކުރާ ހަރުބީ ކާފަރުން ރައީސް އޮފީހުގެ ޕޮލިސީ ސެކްރެޓަރީ މެންނަށް ލުމުން އެމެން މިގައުމު ވިއްކާލަން ފަސްނުޖެހޭނެ ކަން މަމެންނަށް އަބަދުވެސް އިނގެއޭ އިނގޭތޭ ތަމެން ޑިޖިޓަލޭ ފައިބަންވީއޭ ފައިބާ އޮރިޔާމުން ބުރުގާ ނާޅާ އޮފީހަށް ދާ މިނިސްޓަރުން ގައުމު ދެކެ ލޯބިނުވާނެ ކަން އެއީ ޔަގީން ކަމެކޭ...