އަންނަ އަހަރު ވެސް 4 ދާއިރާއަކުން ރާއްޖެއަށް ސްކޮލާޝިޕް ފުރުސަތުތައް ދިނުމަށް ޖަޕާނުން ނިންމައިފިއެވެ.
ހަޔާ އެޑިޔުކޭޝަން މިނިސްޓްރީގައި ބޭއްވި ހާއްސަ ރަސްމިއްޔާތުގައި ސްކޮލަޝިޕް އެއްބަސްވުމުގައި ސޮއި ކުރެއްވީ ހަޔާ އެޑިއުކޭޝަން މިނިސްޓަރ ޑރ. އިބްރާހިމް ހަސަނާއި ޖޭޑީއެސްގެ ރެސިޓެންޓް ރެޕްރެޒެންޓޭޓިވް މޮޓޮ ޓަކީއެވެ.
މި ސްކޮލަޝިޕްތަކުގެ ދަށުން ހަތަރު ދާއިރާއަކުން ކިޔެވުމުގެ ފުރުސަތު:
- މާސްޓާ އޮފް ޕަބްލިކް ޕޮލިސީ
- މާސްޓަ އޮފް ޕަބްލިކް އެޑްމިނިސްޓްރޭޝަން
- މާސްޓާ އޮފް އާޓްސް އިން ޕަބްލިކް ޕޮލިސީ
- މާސްޓަ އޮފް އާޓްސް އިން އިންޓަނޭޝަނަލް ރިލޭޝަންސް
މި ސްކޮލާޝިޕާ ކުރިމަތިލާ މީހުންގެ ޝަރުތުތަކުގެ ތެރޭގައި 22 އަހަރާއި 39 އަހަރާ ދެމެދުގެ މީހަކަށްވުމާ އެކު އެމީހެއްގެ އަތުގައި ބެޗްލާސް ޑިގްރީއެއް އޮންނަން ޖެހެއެވެ. އަދި ސިވިލް ސާވަންޓެއް ނުވަތަ މިނިވަން މުއައްސަސާއެއްގެ ދާއިމީ މުވައްޒަފަކަށް ވާންޖެހެއެވެ.
މީގެއިތުރަށް މަސައްކަތުގައި ދެ އަހަރު ދުވަހުގެ ތަޖުރިބާވެސް ހުންނަންޖެހެއެވެ.
ޖަޕާނުގެ ހިލޭ އެހީ ދޭ އިދާރާ ޖަޕަނީސް ގްރާންޓް އެއިޑް (ޖޭޑީއެސް)ގެ ދަށުން 2020 ވަނަ އަހަރުން ފެށިގެން އަންނަނީ މި ސްކޮލާޝިޕްތައް ދެމުންނެވެ.
މި ސްކޮލާޝިޕްތަކުގައި މިހާރުވެސް ޖަޕާނުގައި 13 ދަރިވަރަކު އަންނަނީ ތައުލީމު ހާސިލުކުރަމުންނެވެ.
