ޝަރުއީ ކޯޓެއްގެ ހުރުމަތް ކެނޑުމުން ދޭ ޖަލު އަދަބު ތިން މަސް ދުވަހަށް ބޮޑުކޮށްފިއެވެ.
ޝަރީއަތް ހިނގަމުން ދަނިކޮށް ކޯޓުގެ އަމުރަށް ނުކިޔަމަންތެރިވެ ނުވަތަ ޝަރީއަތުގެ ނިޒާމާ ހިލާފުވާ ފަދަ އަމަލެއްކޮށް, ކޯޓުގެ ހުރުމަތް ކަނޑައިފި ނަމަ މީގެ ކުރިން އޮންނަނީ 15 ދުވަހަށް ޖަލަށްލުން ނުވަތަ އެއް މަހަށް ގޭ ބަންދުކުރުމުގެ އަދަބެކެވެ.
އެ ގާނޫނަށް އިސްލާހު ގެންނަން މިދިޔަ މަހު މަޖިލީހުން ފާސްކޮށްފައިވާއިރު ރައީސް އިބްރާހިމް މުހައްމަދު ސޯލިހު ވަނީ އެ އިސްލާހު ތަސްދީގު ކުރައްވާފައެވެ.
އެ އިސްލާހުގައިވާ ގޮތުން މިހާރު ޝަރީއަތް ހިނގަމުން ދަނިކޮށް ކޯޓުގެ އަމުރަށް ނުކިޔަމަންތެރިވެ ނުވަތަ ޝަރީއަތުގެ ނިޒާމާ ހިލާފުވާ ފަދަ އަމަލެއްކޮށް, ކޯޓުގެ ހުރުމަތް ކަނޑައިފިނަމަ ތިން މަސް ދުވަހުގެ ޖަލު އަދަބެއް ދިނުން ނުވަތަ ގޭ ބަންދުވެސް ކުރެވޭނެއެވެ.
އެ ގާނޫނުގައި މީގެ ކުރިން ވެސް ކޯޓުގެ ހުރުމަތް ކަނޑައިފިނަމަ 10،000 ރުފިޔާއަށްވުރެ ބޮޑު ނޫން އަދަދަކަށް ޖޫރިމަނާކުރުމުގެ އިހުތިޔާރު ކޯޓުތަކަށް ލިބިދީފައިވާއިރު އާ އިސްހާލާއެކު ޖޫރިމަނާގެ އަދަބަށް ބަދަލެއް ގެނެސްފައެއް ނުވެއެވެ.
ކޯޓްތައް އިސްލާޙްވީ ދެއްތޯ؟ ބަހެއް ބުނެގެން ނުވާނެ ދެއްތޯ. ކީއްވެތޯ ރަސޫލާއަށް ފުރައްސާރަ ކުރާމީހުނަށް އަދަބެއް ނުދެނީ. ރަސޫލާއަށް ވުރެ ތިޔަ ފަނޑިޔާރުން މާތްކަން ހަމަބޮޑުވީމަތޯ؟ އަލަމްގީރު ކުޅީގެ މީހުން ހިމާޔަތް ކުރަނީ ކީއްވެގެންތޯ؟