މި އަހަރު ތިންވަނަ ފަހަރަށް ތެލުގެ އަގުތައް ބޮޑުކޮށް، ކޮންމެ ބާވަތަކުން 13 ޕަސެންޓު އުފުލިއްޖެއެވެ.
އެންމެ ފަހުން ތެލުގެ އަގުތަކަށް ބަދަލު ގެނައީ ތިން މަސް ކުރިންނެވެ. އެގޮތުން:
- 1 ޕެޓްރޯލް ލީޓަރު: 14.60ރ
- 1 ޑީސަލް ލީޓަރު: 14.80ރ
މިރޭ ގެނައި ބަދަލާ އެކު، އެސްޓީއޯގެ ދަށުން ހިންގާ އެފްއެސްއެމް ގެ ސްޓޭޝަންތަކުން ޕެޓްރޯލް ލީޓަރެއް ވިއްކަމުން ދާނީ 16.55ރ އަށް ކަމަށްވާއިރު، ޑީސަލް ލީޓަރެއް ވިއްކަމުން ދާނީ 16.77ރ އަށެވެ.
ވުމާއެކު، ޕެޓްރޯލްގެ ވެސް އަދި ޑީސަލްގެ ވެސް އަގު މިވަނީ 13 ޕަސެންޓު އުފުލިފައެވެ.
ރާއްޖެއަށް އެންމެ ފުޅާކޮށް ތެޔޮ އެތެރެކުރާ އެއް ކުންފުނި ކަމަށްވާ އެސްޓީއޯއިން ބުނީ، ތެލުގެ އަގު ބޮޑުކުރަން ނިންމާފައި ވަނީ ދުނިޔޭގެ ބާޒާރުގައި ސާފުކުރި ތެލުގެ އަގު އަދިވެސް އުފުލެމުން ދާތީ ކަމަށެވެ.
މީގެ ކުރިން ނެރުނު ބަޔާނެއްގައި އެ ކުންފުނިން ބުނި ގޮތުގައި، ދުނިޔޭގެ ބާޒާރުގައި ތެލުގެ އަގު އުފުލިފައި ވަނިކޮށް، ރަޝިއާ އާއި ޔޫކްރައިނާ ދެމެދު ކުރަމުންދާ ހަނގުރާމައިގެ ސަބަބުން ތެލުގެ އަގު ހަލުވިކަމާއެކު އުފުލެމުން ދިޔައެވެ. އެހެންވެ، އެ ކުންފުންޏަށް ތެޔޮ ގަންނަން ލިބެނީ އަގުބޮޑުކޮށް ކަމަށް އޭރު ބުންޏެވެ.
އެސްޓީއޯއިން އަބަދު ވެސް މަސައްކަތް ކުރަމުން ދަނީ ވީހާވެސް ފަސޭހަ ގޮތެއްގައި ކަސްޓަމަރުންނަށް ތެޔޮ ފޯރުކޮށްދިނުމަށް ކަމަށް، އެ ކުންފުނިން ބުނެއެވެ.
ނަހުލާ ކޮބާ އަހަރެމެންގެ ހައްގު މޯލްޑިވިއަން ހައްގު ދިންއިރު