މާފަންނު ގެއެއްގެ ތެރެއިން މަރުވެފައި އޮއްވާ އިއްޔެ ފެނުނު މީހާގެ ހަށިގަނޑު ގައުމަށް ފޮނުވާލުމުގެ މަސައްކަތް ފަށައިފިއެވެ.
މަރުވެފައި އޮއްވާ ފެނުނީ އުމުރުން 57 އަހަރުގެ ބިދޭސީ ފިރިހެނެކެވެ.
ފުލުހުން ބުނީ މި މައްސަލައިގައި މިހާތަނަށް ބެލި ބެލުމުގައި ޝައްކު އުފެދޭ ފަދަ އެއްވެސް ކަމެއް ފާހަގަވެފައި ނުވެއެވެ.
އެމީހާގެ ހަށިގަނޑު ގައުމަށް ފޮނުވާލުމަށް ކުރަންޖެހޭ ކަންކަން، ގުޅުން ހުރި އިދާރާތަކާއެކު ކުރަމުން އަންނަ ކަމަށް ވެސް ފުލުހުން ވަނީ ބުނެފައެވެ.
މާފަންނު ގެއަކުން މަރުވެފައި އޮތް މީހަކު ފެނިފައިވާ ކަމުގެ މައުލޫމާތު ފުލުހުންނަށް ލިބިގެން ހަރަކާތްތެރި ވީ އިއްޔެ 11:45 ހާއިރުއެވެ.
ފުލުހުން ވަނީ އެ މައްސަލައާ ގުޅިގެން ބަލަން ޖެހޭ ކަންކަން ބަލަމުންދާ ކަމަށް އިއްޔެ ބުނެފައެވެ.
އެމީހާ މަރުވެފައި ވަނީ ކޮން ސަބަބަކާ ހުރެ ކަމެއް ފުލުހުން ހާމަކޮށްފައެއް ނުވެއެވެ.
މިފަދަ ނުރައްކާތެރި ހާދިސާތަށް ތަކުރާރުކޮށް ހިނގާ ގިނަ ފުރާނަތަކެއް ގެއްލިދާއިރު ކަމާބެހޭ އިދާރާތަކުން ނިދާފަ! ކޮންޓެއިނާ ކުލިއެރެންސް ކަންކަމުގަ އުޅޭ މަޖޫރީންނާ އެމްޕީއެލްގެ މުއައްޒަފުންގެ ކޮންމެ ދުވަހަކީ މިފަދަ ހާދިސާއެއް ހިނގާ އެތަކެއް ފުރާނައެއް ގެއްލިދާނެފަދަ މާހައުލެއްގަ މަސައްކަތް ކުރަންޖެހިފައި ތިބި ބައެކެވެ. އެތަކެއް ފުރާނައެއް އެމްޕީއެލްތެރެއިން ހިނގާ ގޮސްފައި ވާއިރު އަދިވެސް ކަންހުރީ މިފަދަ ނުރައްކާތެރި ހާދިސާތަކަށް މަގުފަހިވާ ގޮތަށެވެ! ކަމާބެހޭ މުއައްސަސާތަކުން ނިދާފައެ.