ޅ. އަތޮޅުގެ ރިސޯޓެއްގެ މޫދު ކައިރީގައި ފަތުރުވެރިއަކު މަރުވެފައި އޮއްވާ ފެނިއްޖެއެވެ.
މީޑިއާތަކަށް ދިން މައުލޫމާތުގައި ފުލުހުން ބުނީ، މިއަދު ހަވީރު 4:41 ހާއިރު، ޅ. އަތޮޅުގެ ރިސޯޓެއްގެ މޫދު ކައިރީގައި ފަތުރުވެރިއަކު މަރުވެފައި އޮއްވާ ފެނުނު ކަމަށް ރިޕޯޓު ކޮށްފައިވާ ކަމަށެވެ.
ނަމަވެސް، އޭނާ ފެނިފައި ވަނީ ކޮން ރިސޯޓަކުން ކަން ފުލުހުން ހާމައެއް ނުކުރެއެވެ.
ފުލުހުން ބުނިގޮތުގައި ނިޔާވެފައި އޮއްވާ ފެނުނީ 32 އަހަރުގެ ޗައިނާ އަށް ނިސްބަތްވާ އަންހެން ފަތުރުވެރިއެކެވެ.
އޭނާ ވެއްޓިފައި އޮއްވާ ފެނުމުން އިތުރު ފަރުވާ އަށް ޅ. އަތޮޅު ހޮސްޕިޓަލަށް ގެންދިޔައިރުވެސް އޮތީ މަރުވެފައި ކަމަށް ފުލުހުން ބުންޏެވެ.
ފުލުހުން ދަނީ އެ ހާދިސާ އާ ގުޅިގެން ބަލަންޖެހޭ ކަންކަން ބަލަމުންނެވެ.
