ރާއްޖޭން މެލޭޝިއާއަށް ކަނޑައަޅާފައިވާ ސަފީރު ވިސާމް އަލީ މަގާމުން އިސްތިއުފާ ދެއްވައިފިއެވެ.
މީގެ ތިން އަހަރު މެލޭޝިއާއަށް ކަނޑައަޅާފައިވާ ސަފީރުކަމަށް އައްޔަންކުރެއްވި ވިސާމް އިސްތިއުފާ ދެއްވާފައިވާކަން ފޮރިން މިނިސްޓްރީން ވަނީ ހާމަކޮށްފައެވެ.
މިނިސްޓަރު ޝާހިދު ވަނީ މެލޭޝިއާއަށް ރާއްޖޭން ކަނޑައަޅާފައިވާ ސަފީރުގެ ގޮތުގައި ވޭތުވެދިޔަ ތިން އަހަރު ދުވަހު ވިސާމް ކޮށްދެއްވި ހިދުމަތްތައް ފާހަގަކުރައްވައި ޝުކުރު އަދާކުރައްވާފައެވެ.
ވިސާމް އިސްތިއުފާ ދެއްވި ސަބަބެއް ސާފެއް ނުވެއެވެ. އޭނާ އިސްތިއުފާ ދެއްވުމުން، މެލޭޝިއާގައި ހުންނަ ހައިކޮމިޝަން ހިންގަވާނީ އެ ގައުމަށް ކަނޑައަޅާފައިވާ ޑެޕިއުޓީ ހައިކޮމިޝަނަރެވެ.
މެލޭޝިއާއަށް ކަނޑައަޅާފައިވާ ސަފީރުގެ އިތުރުން، ވިސާމް ވަނީ މަޖިލީހުގެ 17 ވަނަ ދައުރުގައި މަޑުއްވަރީ ދާއިރާގެ މެންބަރުކަންވެސް ކުރައްވާފައެވެ.
