މޯލްޑިވްސް އެއާޕޯޓްސް ކޮމްޕެނީ ލިމިޓަޑް (އެމްއޭސީއެލް)ގެ މުވައްޒަފުންނަށް އަންނަ މަހު ފްލެޓްތައް ހަވާލުކުރުމުގެ މަސައްކަތް ކުރަމުން އަންނަ ކަމަށް އެ ކުންފުނިން ބުނެފިއެވެ.
އެމްއޭސީއެލުން ބުނީ އިމާރާތް ކުރަން ފެށި ދެ ޓަވަރުގެ މަސައްކަތް މިހާރު ނިމެން ކައިރި ވެފައިވާ ކަމަށެވެ.
މިގޮތުން އެ ފްލެޓުތަކުގެ 99 ޕަސެންޓް މަސައްކަތް ނިމިފައިވާ ކަމަށާއި އަންނަ މަހުގެ ތެރޭގައި ތަޅުދަނޑިތައް ހަވާލު ކުރެވޭނެ ކަމަށް ލަފާކުރެވޭ ކަމަށް ވެސް އެކުންފުނިން ބުނެއެވެ.
އެމްއޭސީއެލްއިން ބުނީ މިހާރު ކުރިއަށް ގެންދަނީ ފްލެޓްތަކުގެ ފިނިޝިންއާއި, ފްލެޓް ލިބުނު މުވައްޒަފުންނާ، އެ ތަންތަން ހަވާލު ކުރުމުގެ ކުރިން ކުރަންޖެހޭ އެންމެ ފަހުގެ މަސައްކަތްތައް ކަމަށެވެ.
އެމްއޭސީއެލްގެ މުވައްޒަފުންނަށް ބޯހިވަހިކަން ފޯރުކޮށްދޭން "ހިޔާ" ގެ ނަމުގައި ކުރިއަށް ގެންދާ މަޝްރޫއުގެ ދަށުން ހަދާ ދެ ޓަވަރުގައި 384 ފްލެޓް ހަދާފައި ވެއެވެ. އެއީ ދެ ކޮޓަރީގެ 240 އެޕާޓްމަންޓާއި އެއް ކޮޓަރީގެ 72 އެޕާޓްމަންޓެވެ.
އެމްއޭސީއެލްގެ ފްލެޓްތަކުގެ މަސައްކަތް ހަވާލުކޮށްފައި ވަނީ ޗައިނާގެ ބީޔޫސީޖީ ކުންފުންޏާއެވެ.
އަންނަ މަހަކީ ކޮބާތޯ؟