ރާއްޖޭގައި ވިޔަފާރިއެއް ފެށުމަށް ނުވަތަ ކުރިއެރުވުމަށް ޕްލޭނެއް ހުށަހަޅައިގެން ހޮވޭ އެންމެ މޮޅު ބަޔަކަށް 500،000 ރުފިޔާގެ އެހީ ދޭ ސްޓާޓްއަޕް ގްރާންޓްގެ ނަމުގައި ބޭންކް އޮފް މޯލްޑިވްސް އިން ފަންޑް ޕްރޮގްރާމެއް ފަށައިފިއެވެ.
ބީއެމްއެލުން ބުނީ، މިއީ ވިޔަފާރިއެއް ފެށުމަށް ނުވަތަ ކުރިއެރުވުމަށް އެ ބޭންކުން ކުރާ ކަމެއް ކަމަށެވެ. އެއީ ވިޔަފާރީގައި ވިޔަފާރީގެ ވިސްނުމެއް ދިރިއުޅުމަށް ގެނައުން ކަމުގައި ވިޔަސް، އިކުއިޕްމަންޓަށް އިންވެސްޓް ކުރުން ނުވަތަ އާ މާކެޓަކަށް ފުޅާކުރުން ފަދަ ސްޓާޓް-އަޕް ހަރަދުތައް ކަވަރު ކުރުމަށް ކަމުގައި ވިޔަސް އެޕލްިކޭޝަން ހުށަހެޅޭނެ ކަމަށެވެ.
ސުންގަޑި ހަމަވުމުގެ ކުރިން ކުރިމަތިލާ، ފަރާތްތަކުގެ ތެރެއިން 10 ފަރާތެއް ޝޯޓް ލިސްޓް ކުރުމަށްފަހު، އެ ޕްލޭންތައް އިވެލުއޭޝަން ޕެނަލްއަށް ޕްރެޒެންޓޭޝަނެއް ހެން ހުށަހެޅުމަށް ދައުވަތު ދޭނެ ކަމަށް ބީއެމްއެލުން ބުނެއެވެ. އެއަށްފަހު އޭގެތެރެއިން އެންމެ ކާމިޔާބު ހަތަރު ވިޔަފާރިއެއް ހޮވައި އެއިން ކޮންމެ ވިޔަފާރިއަކަށް 500،000 ރުފިޔާގެ ހިލޭ އެހީ ދިނުމަށް ހަމަޖެހިފައިވާ ކަމަށް ބީއެމްއެލުން ބުނެއެވެ.
ޝަރުތު ހަމަވާ މިންވަރު ބަލާއިރު އަލަށް ވިޔަފާރި، ރަޖިސްޓްރީ ނުކޮށް ހިންގާ ފަރާތެއް ނަމަ، އުމުރުން 18 އަހަރާއި 60 އަހަރާ ދެމެދުގެ ދިވެހި ފަރުދަކަށް ނުވަތަ ފަރާތަކަށް ފަރުދީ ގޮތުން ނުވަތަ ގުޅިގެން ކުރިމަތިލެވޭނެއެވެ. ނަމަވެސް އެއީ ބޭންކް އޮފް މޯލްޑިވްސްގެ މުވައްޒަފެއް ނުވަތަ މުވައްޒަފެއްގެ އާއިލީ މެންބަރެއް ނަމަ ބައިވެރި ނުވެވޭނެއެވެ. އަދި މިހާރު ރަޖިސްޓާ ކޮށްގެން ހިންގާ، 12 މަސް ދުވަހަށް ވުރެ ގިނަ ދުވަސްވެފައިވާ ވިޔަފާރިއަކަށް މީގައި ބައިވެރި ނުވެވޭނެއެވެ.
ސްޓާޓްއަޕް ގްރާންޓް އަށް ކުރިމަތިލުމުގެ ފުރުސަތު ހުޅުވާލާފައި ވަނީ އަންނަ މަހުގެ 16 ވަނަ ދުވަހުގެ ނިޔަލަށެވެ. އެޕްލިކޭޝަން ފޮނުވާނީ ބީއެމްއެލްގެ އީމެއިލް [email protected] އަށެވެ.
