ދިވެހި ފޮރިން މިނިސްޓަރު އަބްދުﷲ ޝާހިދުގެ ދައުވަތަކަށް ތުރުކީގެ ފޮރިން މިނިސްޓަރު މެވްލުތު ޗަވުޝޯލޯ މާދަމާ ރާއްޖެ ވަޑައިގަންނަވަން ނިންމައިފިއެވެ.
ތިން ދުވަހުގެ މި ދަތުރުފުގައި ރައީސް އިބްރާހިމް މުހައްމަދު ސޯލިހު އާއި ރައްޔިތުން މަޖިލީހުގެ ރައީސް މުހައްމަދު ނަޝީދު އާ ތުރުކީ ފޮރިން މިނިސްޓަރު ބައްދަލުކުރައްވާނެއެވެ.
މި ދަތުރުގައި ދިވެހި ސަރުކާރާ އެކު ރަސްމީ ބައްދަލުވުންތައް ބާއްވައި، ދެ ގައުމުގެ ދެމެދުގައި ހާއްސަ އެއްބަސްވުންތަކެއްގައި ސޮއިކުރުމަށް ހަމަޖެހިފައި ވާކަމަށް ވެސް ފޮރިން މިނިސްޓްރީން ބުނެއެވެ.
މިއީ ތުރުކީގެ ފޮރިން މިނިސްޓަރަކު ރާއްޖެ ވަޑައިގަންނަވާ ފުރަތަމަ ފަހަރެވެ.
