ޓެކްސީ ޑްރައިވަރަކަށް ވަޅިން ބިރުދައްކާ ފޯނު ފޭރިގެންފިއެވެ.
ފުލުހުން ބުނީ ހުޅުމާލެއިން މާލެއަށް ޓެކްސީއެއްގައި އައި 2 މީހަކު ޣިޔާސުއްދީން ސްކޫލު ކައިރިން ޓެކްސީ ޑްރައިވަރަށް ވަޅިން ބިރު ދައްކާ ޑްރައިވަރުގެ ފޯނު ފޭރުނު މައްސަލަ އެއް ހުށަހަޅާފައިވާ ކަމަށެވެ.
އެމައްސަލަ ހުށަހަޅާފައި ވަނީ ރޭ 01:10 ހާއިރު ކަމަށް ފުލުހުން ބުނެއެވެ.
އެމައްސަލާގައި ފޭރުނު ފޯނާ ވަނީ ފެނިފައި ކަމަށާ އަދި ދެ މީހުން ހައްޔަރު ކޮށްފައިވާ ކަމަށް ވެސް ފުލުހުން ބުނެއެވެ.
ފުލުހުން ބުނީ އެމައްސަލަ ތަހުގީގު ކުރަމުންދާ ކަމަށެވެ.
މިމަހު 23 ވަނަ ދުވަހު ވެސް ވަނީ މާލެ މަޖީދީމަގުން ހުޅުމާލެއަށް ދިއުމަށް ޓެކްސީއަކަށް އެރި ދެ މީހަކު ޓެކްސީ ޑްރައިވަރަށް ވަޅިން ބިރުދައްކާ ފައިސާ ފޭރި ފައިވާ މައްސަލައެއް ފުލުހުންނަށް ހުށަހަޅާފައެވެ.
ޓެކްސީ ޑްރައިވަރު އަތުން 700 ރުފިޔާ ފޭރުމަށް ފަހު އެމީހުން ޓެކްސީ އިން ފައިބައިގެން ވަނީ ގޮސްފައެވެ. އެމައްސަލަ އާ ގުޅިގެން މިހާތަނަށް މީހަކު ހައްޔަރު ކޮށްފައެއް ނުވެއެވެ.
މިފަހަކަށް އައިސް ރާއްޖޭގައި ވައްކަމާއި ފޭރުން ދަނީ ދުވަހެއް ދުވަހަކަށް އިތުރު ވަމުންނެވެ.
ޓެކްސީ ޑްރައިވަރުން ނާ ޕެސިންޖަރުން ތިބޭ ތަން ވަކި ކުރަންވީ އަނެއްކާ މީހަކު މަރާލުމުގެ ކުރިން
ތި ދެމީހުން އިހުނެއްވުރެން ބާރުވެރިކޮށް ނުކުމެގެން ހަފުތާއެއް ފަހުން ފެންނާނެ