މިދިޔަ މަހުގެ 6 ވަނަ ދުވަހު ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާއާ ގުޅިގެން މަޖިލީހުން ކުރިއަށް ގެންދާ "ޕާލިމެންޓް އިންކްއަރީ" އަށް މައުލޫމާތު ހޯދަން އެސިސްޓެންޓް ކޮމިޝަނާ އޮފް ޕޮލިސް މުހައްމަދު ރިޔާޒް 241 ކޮމިޓީއަށް ހާޒިރު ކޮށްފިއެވެ.
މަޖިލީހުގެ އިދާރާއިން ބުނީ ރިޔާޒް 241 ކޮމިޓީން ކުރިއަށް ގެންދާ ޕާލިމެންޓްރީ އިންކުއަރީއަށް މިއަދު ހާޒިރުކޮށްފައިވާ ކަމަށެވެ.
ކޮމިޓީގެ ބައްދަލުވުންތައް ކުރިއަށް ގެންދަނީ ސިއްރު ކޮށްގެނެވެ.
ކޮމިޓީގެ އިއްޔެގެ ބައްދަލުމުގައި ނެޝަނަލް ކައުންޓާ ޓެރަރިޒަމް ސެންޓަރު (އެންސީޓީސީ)ގެ ވެރިޔާ ބްރިގޭޑިއާ ޖެނެރަލް ޒަކަރިއްޔާ މަންސޫރު ވަނީ ހާޒިރުކޮށްފައެވެ.
މިދިޔަ އާދިއްތަ ދުވަހު ކޮމިޓީގެ ބައްދަލުވުމަށް ވަނީ ޗީފް އޮފް ޑިފެންސް ފޯސް މޭޖާ ޖެނަރަލް އަބްދުﷲ ޝަމާލާއި ވައިސް ޗީފް އޮފް ޑިފެންސް ފޯސް ބްރިގޭޑިއާ ޖެނަރަލް އަބްދުއްރަހީމް އަބްދުއްލަތީފް ހާޒިރު ކޮށްފައެވެ. އަދި ކުރީގެ ހައުސިން މިނިސްޓަރު މުހައްމަދު އަސްލަމާއި މާލޭގެ ކުރީގެ މޭޔަރު ޝިފާ މުހައްމަދު ވެސް ވަނީ އެދުވަހުގެ ކޮމިޓީއަށް ހާޒިރުކޮށްފައެވެ.
އޭގެ އިތުރުން މަޖިލީހުގެ 241 ކޮމިޓީއަށް ކޮމިޝަނާ އޮފް ޕޮލިސް މުހައްމަދު ހަމީދާއި ކައުންޓަ ޓެރަރިޒަމްގެ ޑިރެކްޓަރު ސުޕްރިންޓެންޑެންޓް އޮފް ޕޮލިސް ފަރީދު އިސްމާއީލާއި ޗީފް ސްޕްރިންޓެންޑެންޓް އޮފް ޕޮލިސް މޫސާ އަލީ ވެސް ވަނީ ހާޒިރުކޮށް ސުވާލު ކޮށްފައެވެ.
ތިތާކު ދެން ކިޔާކަށް އެއްޗެއް ނެތް. ރައްޔިތުންގެ ވޯޓުން ރައްޔިތުންނަށް ހެޔޮވެރިކަމެއް ކޮށްދޭން އައިވެރިކަމަށް ޤައުމުގެ ހުރިހާބާރެއް ލިބުމުންވެސް ރައްޔިތުން ބަނދެލާ ބާތިއްބައިގެން ވެރިކަމުގެ ތެރެއިން ތަޅާފޮޅުން ފެންނަނީ! ހުރިހާ އުދައެއް މިއަރަނީ ބަނދެގެން އުޅޭރައްޔިތުން ގޭދޮރާށި ދަށަށް. ޓެރޯރިސްޓް ހަމަލާތަކާޢި ތަޅާފޮޅުން ޚިޔާނާތް ބޮޑެތި ވައްކަންތައް ވެސް މިވެރިކަމު ތެރޭ! މޮޔަވެދާނެ!