މިވަގުތު ދުނިޔޭގައި އުޅޭ އެންމެ ދިގު ޖިރާފުގެ ރެކޯޑް، އޮސްޓްރޭލިއާގެ ކުއީންސްލަންޑް ޒުލުގައި ދިރިއުޅޭމުންދާ ޖިރާފެއް ހޯދައިފިއެވެ.
'ފޮރެސްޓް' ގެ ނަންދީފައިވާ، އުމުރުން 12 އަހަރުގެ މި ޖިރާފުގެ އިސްކޮޅުގައި ގާތްގަނޑަކަށް 18 ފޫޓު 8 އިންޗި ނުވަތަ 5.7 މީޓަރު ހުރެއެވެ. ފޮރެސްޓްގެ ދިގުމިން ބެލުމަށް، ގިނިސް ވޯލްޑް ރެކޯޑްއަށް ޖެހުނީ އިސްކޮޅު ބަލަން އާ ތަނބެއްވެސް ހަދަން ކަމަށް ޚަބަރު ލިބެއެވެ.
ފޮރެސްޓް އިސްކޮޅުގެ ތަފްސީލުތައް ރެކޯޑްކޮށް ކަށަވަރު ކުރުމަށް އެތައް މަސައްކަތްތަކެއް ވަނީ ކުރަން ޖެހިފައެވެ.
2007 ވަނަ އަހަރު ފޮރެސްޓް އުފަންވީ ނިއުޒީލަންޑްގެ އޮކްލަންޑަށެވެ. ނަމަވެސް އޭތީގެ އުމުރުން އެންމެ 2 އަހަރުގައި އާވިންގެ އާއިލާއިން އޮސްޓްރޭލިއާއަށް ފޮރެސްޓް ބަދަލު ކުރިއެވެ. އޭގެ ފަހުން، ފޮރެސްޓަށް ވަނީ 12 ދަރިން ލިބިފައެވެ. ޚަބަރު ލިބޭ ގޮތުގައި 13 ވަނަ ޖިރާފެއްވެސް އުޅެނީ ލިބޭށެވެ.
ގުދުރަތީ ދިރުންތަކަށް ބަލާއިރު މިއަދު ދުނިޔޭގައި އުޅޭ ދިގު ބާވަތަކީވެސް ޖިރާފެވެ. 15-18 ފޫޓާ ދެމެދު އިސްކޮޅަކާށް މި ޖިރާފުތައް ދިގުވެއެވެ. ޖިރާފަކީ، އިންޓަނޭޝަނަލް ޔޫނިއަން ފޮ ކޮންޒަވޭޝަން އޮފް ނޭޗާއިން ހިމާޔަތް ކޮށްފައިވާ ޖަނަވާރެކެވެ. އެ ޔޫނިއަންއިން ބުނާ ގޮތުގައި ޖިރާފު ހިމެނެނީ ނެތި ދިއުމުގެ ބިރު ހީވެފައިވާ ޖަނަވާރުންގެ ލިސްޓުގައެވެ.
މިވަގުތު ދުނިޔޭގައި އުޅޭ އެންމެ ދިގު ޖިރާފުގެ ރެކޯޑް އޮތް ފޮރެސްޓް ގެންގުޅެނީ، ޓީވީ ޝަހްސް އަދި ކޮންޒަވޭޝަނިސްޓް ސްޓީވް އާވިންގެ އާއިލާއިންނެވެ.
