ހުޅުމާލޭގެ ދެވަނަ ފިޔަވަހީގައި އަޅާފައިވާ ހިޔާ މަޝްރޫއުގެ ފްލެޓުތަކަށް އެދި ހުށަހަޅާފައިވާ ފަރާތްތަކުގެ ދިރިއުޅުމުގެ ހާލަތު ބެލުމުގެ މަސައްކަތް މިހާރު ރާއްޖޭގައި ފެތުރެމުން އަންނަ ކޮވިޑް19 އާ ގުޅިގެން ވަގުތީ ގޮތުން މެދުކަނޑާލައިފިއެވެ.
ރައީސުލްޖުމްހޫރިއްޔާގެ އޮފީހުން ބުނީ ދުނިޔޭގައި ހަލުވިކަމާއެކު ފެތުރެމުންދާ ކޮވިޑް19، ދިވެހިރާއްޖޭގައި ފުޅާދާއިރާއެއްގައި ފެތުރުން ކުޑަކޮށް، އާންމު ރައްޔިތުންގެ ސިއްހަތާއި ރައްކާތެރިކަން ކަށަވަރުކުރުމަށްޓަކައި، ދިވެހިރާއްޖޭގައި ސިއްހަތުގެ ކުއްލި ނުރައްކަލުގެ ހާލަތު އިއުލާންކޮށްފައިވާތީ، މިއަދުން ފެށިގެން "ފްލެޓްތަކުގެ މައްސަލަބަލާ ކޮމިޓީ" އިން ކުރިއަށްގެންދާ، "ހިޔާ" މަޝްރޫއަށް ފޯމު ހުށަހަޅާފައިވާ ފަރާތްތަކުގެ ދިރިއުޅުމުގެ ހާލަތު ދެނެގަތުމުގެ މަސައްކަތް ވަގުތީގޮތުން މެދުކަނޑާލެއްވުމަށް ނިންމާފައިވާ ކަމަށެވެ.
ފްލެޓްތަކުގެ މައްސަލަބަލާ ކޮމިޓީއިން އެ ފިޔަވަޅު އަޅާފައިވަނީ ހުރިހާ ފަރާތްތަކެއްގެ ވެސް ރައްކާތެރިކަން ކަށަވަރުކުރުމުގެ މަގުސަދުގައިކަމަށާއި އެ މަސައްކަތް އަލުން ފެށުމުގެ ކުރިން އެކަން އާންމުކޮށް އިއުލާންކުރެވޭނެ ކަމަށް ކޮމެޓީން ބުނެފައިވާ ކަމަށް ރައީސް އޮފީހުން ބުންޏެވެ.
ރައްޔިތުންގެ މަޖިލިސް މިއަހަރަށް ހުޅުވައި ދެއްވުމުގެ ގޮތުން ރިޔާސީ ބަޔާން އިއްވަވަމުން ރައީސް އިބްރާހީމް މުހައްމަދު ސޯލިހު ވިދާޅުވީ ހިޔާ މަޝްރޫއުގެ 17،189 ފޯމެއް މިހާތަނަށް ސްކްރީން ކޮށްފައިވާ ކަމަށެވެ. އަދި މިހާތަނަށް ޖުމްލަ ފަސް ކެޓަގަރީއެއްގެ މަސައްކަތް ނިމި، ފްލެޓް ހައްގުވާ މީހުންގެ ލިސްޓްތައް އިއުލާންކުރުމަށް ތައްޔާރުވެފައިވާ ކަމަށާއި ހިޔާ މަޝްރޫއުގެ 7000 ފްލެޓް މިއަހަރުގެ ތެރޭގައި ހައްގުވެރިންނާ ހަވާލުކުރެވޭނެ ކަމަށް ރައީސް ސޯލިހު ވިދާޅުވިއެވެ.
ދުނިޔޭގެ އެކި ކަންކޮޅުތަކުގައިވެސް ހަލުވިކަމާއި އެކުގައި ފެތުރެމުން އަންނަ ކޮވިޑް19 އަށް މުޅި ރާއްޖެއިން މިހާތަނަށް 11 މީހަކު ވަނީ ޕޮޒިޓިވް ވެފައެވެ. އެ ހުރިހާ މީހުންނަކީ ވެސް ބިދޭސީންނެވެ.
މާލޭމީހުނައްފެން ރާއްޖެތެރޭމީހުން ބަކަރިންތަ؟
ރައީސުލް ޖުމްހޫރިއްޔާ ކުރޯނާ ވަރިރެހުގެ ނުރައްކަލުން ޤަވްމާއި ރައްޔަތުން އަމާން ބަނދަރަކައް ގެންދެވުމައް ކުރައްވާ އަގުހުރި މަސައްކަތްޕުޅު ތަކައް ހިތުގެ އިޚްލާސްތެރި ކަމާއި އެކު ޝުކުރު ދަންނަވަން. މަނިކުފާނުންގެ މަސައްކަތްޕުޅުތަކައް މާތްﷲ ފުރިހަމަ ހެޔޮ ޖަޒާ ދެއްވާށީ އެވް އާމީން