އެންޓި ކޮރަޕްޝަން ކޮމިޝަން (އޭސީސީ)ގެ މެންބަރު ކަަމަށް ކުރިމަތިލެއްވި ކުރީގެ އޮޑިޓާ ޖެނެރަލް އިބްރާހިމް ނިޔާޒަށް، މެންބަރުކަން ލިބެންޖެހޭ ވަރަކަށް މާކްސްނުލިބުނެވެ.
އޭސީސީގެ މެންބަރު ކަމަށް ކުރިމަތިލުމަށް ހުޅުވާލި ފުރުސަތުގައި 68 ބޭފުޅަކު އެ މަގާމަށް ކުރިމަތިލިއެވެ. އޭގެތެރެއިން ރައީސް އިބްރާހިމް މުހައްމދު ސޯލިހް މަޖިލީހަށް ފޮނުއްވީ 12 ބޭފުޅެއްގެ ނަމެވެ. މަޖިލީހަށް ފޮނުއްވި ނަންތަކުގެ ތެރެއިން ނިޔާޒް ހިމެނިވަޑައިގަތއެހެންް، ނަމަވެސް ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ނަންތައް ދިރާސާކޮށް މާކްސް ދިން އިރު ނިޔާޒަށް ލިބުނު މާކްސްގެ އަދަދު މަދެވެ.
ކޮމިޝަނަށް އައްޔަން ކުރަން ގާބިލް ކަމަށް ބަލަނީ، 75 މާކްސް ނޫނީ އެއަށް ވުރެ މަތިން މާކްސް ލިބިގެނެވެ. ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ނަންތައް ދިރާސާކޮށް މާކްސް ދިން އިރު، ކުރީގެ އޮޑިޓާ ޖެނެރަލް ނިޔާޒަށް ލިބުނީ، 67.476 މާކްސް އެވެ. އެގޮތުން ކޮމެޓީ ރިޕޯޓުގައި ބަޔާންކޮށްފައިވާ ގޮތުން ނަމަ އޭސީސީގެ މެންބަރު ކަމަށް ނިޔާޒު ޝަރުތު ހަމައެއް ނުވެއެވެ. އެންމެ ގިނަ މާކްސް ލިބުނީ އިބްރާހިމް ޝަކީލަށެވެ. އޭނާއަށް ވަނީ، 77.718 މާކްސް ލިބިފައެވެ. އަދި ދެވަނައަށް އެންމެ ގިނަ މާކްސް ލިބުނު، އާދަމް ޝާމިލަށް 77.284 މާކްސް ލިބުނު އިރު، ފާތިމަތު އަނޫލާއަށް 77.264 މާކްސް، މަރިޔަމް ޝިއުނާއަށް 76.976 މާކްސް އަދި އާއިޝަތު އަބްދުﷲ އަށް ވަނީ 75.142 މާކްސް ލިބިފައެވެ.
އޭސީސީގައި މިހާރު ތިއްބެވި މެންބަރުންގެ މުއްދަތު އަންނަ ސެޕްޓެމްބަރު މަހުގެ ނުވަ ވަނަ ދުވަހަށް ހަމަވާނެއެވެ.
