ރާއްޖޭގެ އިންޓަނެޓުގެ އަގު ބޮޑު ވާހަކަ މީޑިއާ ތަކުން ނުދެއްކާނެ ކަމަށް ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ވިދާޅުވެއްޖެއެވެ.
ޣަފޫރު މިހެން ވިދާޅުވީ މަޖިލީހުގައި، ޗެމްބަރު އޮފް ކޮމާސްއަށް ގާނޫނީ ބާރު ދިނުމުގެ ބިލާ މެދު ބަހުސް ކުރައްވަމުންނެވެ. އޭނާ މިކަން ފާހަގަކުރައްވާފައި ވަނީ ދިވެހިރާއްޖެއަކީ ވިޔަފާރި ކުރުމުގައި ވަރަށް މިނިވަން ގައުމެއް ކަމަށް ވިދާޅުވަމުންނެވެ.
ރާއްޖެއަކީ ދުނިޔޭގެ މުއްސަނދި ގައުމުތަކާ އަޅައި ބަލާއިރު ވެސް އިންޓަނެޓުގެ އަގު ބޮޑު ގައުމެއްކަން އޭނާ ވަނީ ފާހަގަ ކުރައްވާފައެވެ. މިކަން ފާހަގަކޮށް ވާހަކަ ދައްކާނެ މީޑިއާއެއް ނެތް ކަމަށްވެސް އޭނާ ވަނީ ވިދާޅުވެފައެވެ. ސަބަބަކީ ރާއްޖޭގެ ހުރިހާ މީޑިއާތަކަށް ދިރާގުންނާއި އުރީދޫ އިން ސްޕޮންސާ ދީފައި ވާތީ މީޑިއާއަކުން އެ ނެޓްވޯކް ތަކުގެ އިންޓަނެޓު އަގުބޮޑުކަން ފާހަގަކޮށް އެއްޗެއް ބުނެފިކަމުގައި ވާނަމަ އިސްތިހާރުތައް އަތުލުމުގެ ބިރު އޮތީމައި ކަމަށް ވެސް އޭނާ ވަނީ ވިދާޅުވެފައެވެ.
މި މޭރުމުން ވާހަކަ ދައްކަވަމުން ޣަފޫރު ވަނީ ދިރާގުން ތައާރަފް ކުރާ އިންޓަނެޓު ޕެކޭޖުތަކަކީ އަގުބޮޑު ޕެކޭޖު ތަކަކުގެ ވާހަކަ މިޑިއާއިން ނުދައްކާނެ ކަމަށް ވިދާޅުވަމުން، ބޭންކް އޮފް މޯލްޑިވްސް އިން ނަގާ ބޮޑު ފައިދާގެ ވާހަކަތައްވެސް ދައްކާނެ ފަރާތެއް ނެތްކަން އޭނާ ފާހަގަ ކުރެއްވިއެވެ.
ރާއްޖޭގެ ކުންފުނި ތަކުން އެކަށީގެން ނުވާ މިންވަރަށް ފައިދާ ނަގަމުން ދާއިރު މިކަން ހުއްޓުވޭނެ މެކޭނިޒަމެއް ހޯދަން ޖެހޭނެ ކަމަށް އޭނާ ވިދާޅުވިއެވެ. އަދި މި ބިލު ފާސްވެއްޖެ ނަމަ، ޗެމްބަރު އޮފް ކޮމާސް އަކީވެސް ވިޔަފާރިތަކުން އެތައް ފައިދާއެއް ނަގާނެ ތަނަކަށް ބަދަލުވާނެ ކަމަށް އޭނާ ވިދާޅުވިއެވެ.
އަދިކިރިޔާ ތިމަޖިލީހުން ރާއްޖޭގެ ރައްއިތަކަށް މަންފާއެއްވާނެކަހަލަ ވާހަކައެއް ތިދެއްކުނި މިހިސާބައް އާއިރުވެސް ތިއުޅެނީ އަމިއްލައެދުމާއިގެން ނުވިތާކަށް ހުރިހާބާރެއް އަންބޮޑިއަށް ނުޖެއްސެވިގެން ތިކަމުގަ ގަފޫރަށް ސާބަސް މިފަހަރު ތިކަން ކޮޅެއްގަ ޖެއްސޭތޯ ބަލައި ދިނުންއެދެން އަޅުގަޑަކީ އެއްވެސް ޕާޓީއެއްގެ މީހެންނޫން