އުރީދޫ މޯލްޑިވްސް އިން ވަށްމާފުށި އަދި ޒިޕްލައިން އެމްވީ އާ ގުޅިގެން ސޯޝަލް މީޑިއާގައި ހާއްސަ ޕްރޮމޯޝަނެއް މިއަދު ފަށައިފިއެވެ.
މި ޕްރޮމޯޝަނަކީ އުރީދޫގެ ކަސްޓަމަރުންނާއި ސޯޝަލް މީޑިއާ ފޮލޯވަރުންނަށް، ރާއްޖޭގައި ތަޖުރިބާކޮށްލެވޭނެ އެންމެ ތަފާތު އެއް ހަރަކާތް ކަމަށްވާ ޒިޕްލައިންގެ ތަޖުރިބާ ހޯދުމަށާއި، އާއިލާ ނުވަތަ ރައްޓެހިންނާއެކު އުފާވެރި ހަނދާންތަކެއް އާކުރުމުގެ ފުރުސަތު ފަހިކޮށްދިނުމުގެ މަގުސަދުގައި ކުރިއަށްގެންދާ ހަރަކާތެކެވެ.
މި ޕްރޮމޯޝަންގެ ދަށުން ހޮވޭ ނަސީބުވެރި ފަރާތަށް ލިބޭ އިނާމުތަކުގެ ތެރޭގައި ހިމެނެނީ:
- ވަށްމާފުށީގައި ހަތަރު މީހަކަށް ހުރިހާ ހަރަދެއް ހިމެނޭ ގޮތަށް މުޅި ދުވަހުގެ ބީޗް ޕިކްނިކެއް.
- ޒިޕްލައިން އެމްވީއާއެކު ފޯރިގަދަ ޒިޕްލައިން ހަރަކާތެއް ތަޖުރިބާކޮށްލުން.
- މާފުށިން ދިއުމާއި އެނބުރި އައުމުގެ ދަތުރުފަތުރުގެ އިންތިޒާމު.
މި ހަރަކާތުގައި ބައިވެރިވުމަށް އެދޭ ފަރާތްތަކުން އުރީދޫ މޯލްޑިވްސް، ވަށްމާފުށި އަދި ޒިޕްލައިން އެމްވީގެ ސޯޝަލް މީޑިއާ ޕޭޖުތައް ފޮލޯކުރަން ޖެހޭނެއެވެ. އަދި އުރީދޫއިން ކޮށްފައިވާ ޕްރޮމޯޝަން ޕޯސްޓް ޝެއާކޮށް، އެ ދަތުރުގައި ގެންދަން ބޭނުންވާ ތިން ރައްޓެހިން ޓެގް ކުރަން ޖެހެއެވެ.
މި ހުރިހާ ފިޔަވަޅުތަކެއް ފުރިހަމަކުރާ ފަރާތްތަކުގެ ތެރެއިން ގުރުއަތުން ހޮވޭ ނަސީބުވެރި އެއް ފަރާތަކަށް، އިތުރު 3 މީހުންނާއެކު މި ހިތްގައިމު ދަތުރުގައި ބައިވެރިވުމުގެ ފުރުސަތު ލިބޭނެއެވެ. ސޯޝަލް މީޑިއާގައި ކުރިއަށްދާ މި މުބާރާތް ކުރިއަށްދާނީ 12 ޖުލައި އިން ފެށިގެން 20 ޖުލައިގެ ނިޔަލަށެވެ.
އުރީދޫ މޯލްޑިވްސްއިން ބުނި ގޮތުގައި އެ ކުންފުނިން އަބަދުވެސް މަސައްކަތް ކުރަމުންދަނީ ކަސްޓަމަރުންނަށް ފޯރިގަދަ އަދި ތަފާތު ތަޖުރިބާތަކެއް ފޯރުކޮށްދިނުމަށެވެ. އަދި މިއީ ރާއްޖޭގެ އެކި ކަންކޮޅުތަކުގައި ހުރި ހިތްގައިމު މުނިފޫހިފިލުވުމާއި އެޑްވެންޗަރ ފުރުސަތުތައް އާންމުންނަށް ދައްކާލުމަށް ލިބޭ ވަރަށް ރަނގަޅު ފުރުސަތެއް ކަމަށްވެސް އެ ކުންފުނިން ފާހަގަކުރެއެވެ.
މި ޕްރޮމޯޝަނުގައި ބައިވެރިވުމަށާއި، ނަސީބުވެރި ފަރާތް ހޮވުމާ ބެހޭ އެންމެ ފަހުގެ މަޢުލޫމާތު ހޯދުމަށް އުރީދޫ މޯލްޑިވްސްގެ ރަސްމީ ސޯޝަލް މީޑިއާ ޕޭޖުތަކަށް ޒިޔާރަތްކުރުމަށް އެ ކުންފުނިން އިލްތިމާސްކުރެއެވެ.
