ރޯދަމަހުގެ ކޮންމެ ދުވަހެއްގެ ވެސް ސުފުރާ މަތި ފަޅު ފިލުވާލަދޭ އެއް ބައިވެރިއަކީ ފޮނިކާ ތަކެއްޗެވެ. ނަމަވެސް ބައެއް ފޮނި ކާތަކެއްޗަކީ ވަރަށް ގިނަ ވަގުތާއި މަސައްކަތް ބޭނުންވާ އެއްޗެކެވެ. އޭގެ ބަދަލުގައި މިއަދު "ދަ ޕްރެސް" ބަދިގެ ސެގްމެންޓުގައި މި ގެނެސްދެނީ އެންމެ ތިން އިންގްރީޑިއަންޓުން ތައްޔާރުކޮށްލެވޭ ޑެޒަޓެކެވެ.
ބިޒީ ދުވަސްތަކަށް މިފަދަ ފަސޭހައިން ތައްޔާރުކޮށްލެވޭ އެއްޗެއް ހިޔާރު ކުރުމަކީ ބުއްދިވެރިކަމެކެވެ.
ބޭނުންވާ ތަކެތި:
- އޯރިއޯ ބިސްކޯދު
- ފުލް ކްރީމް
- ވިޕް ކްރީމް
ތައްޔާރު ކުރާނެ ގޮތް:
އޯރިއޯ ބިސްކޯދު ކިރަށްލާ ފޯ ކުރުމަށްފަހު ޓްރޭއެއްގައި އަތުރާލާނީއެވެ.
އެއަށްފަހު އޭގެ މައްޗަށް ވިޕް ކްރީމް އެޅާ ފަތުރާލުމަށްފަހު އަނެއްކާވެސް ކުރިން ހެދި ގޮތަށް އޯރިއޯތައް ޓްރޭގައި އަތުރާލާނީއެވެ. އަދި މިހެން ލޭޔާ ހެދުމަށްފަހު އެންމެ މައްޗަށް ވިޕް ކްރީމް އެޅުމަށްފަހު އަތުރާލާފައި ފިނި ކޮށްލާށެވެ. ބޭނުން ނަމަ ޓްރޭއެއްގެ ބަދަލުގައި ވަކި ވަކި ތަށީގައި ވެސް މި ގޮތަށް ތައްޔާރުކޮށްލެވިދާނެއެވެ.
