ކުދި އަދި މެދު ފަންތީގެ ވިޔަފާރިތަކަށް އަގުވަޒަންކޮށް ރާއްޖޭގައި ފުރަތަމަ ފަހަރަށް ދިން އެމްއެސްއެމްއީ އެވޯޑު 21 ފަރާތަކުން ހޯދައިފިއެވެ.
މި އެވޯޑު ކުރިއަށް ގެންގޮސްފައިވަނީ ދެ ގިންތިއަކަށް ބަހާލައިގެންނެވެ. އެއީ އާންމުންގެ ވޯޓުން ހޮވާ ގިންތިއަކާއި، ފަނޑިޔާރުންގެ މާކްސްއިން ހޮވާ ގިންތިއެވެ.
މިއެވޯޑު ދިނުމަށް ސޯޝަލް ސެންޓަރުގައި ބޭއްވި ހަފްލާގައި އެންމެ ޝަރަފުވެރި 3 އެވޯޑު ކަމަށްވާ އަހަރުގެ މައިކްރޯ އެމްއެސްއެމްއީ އޮފް ދަ އިޔާ، ސްމޯލް އެމްއެސްއެމްއީ އޮފް ދަ އިޔާ އަދި މީޑިއަމް އެމްއެސްއެމްއީ އޮފް ދަ އިޔާ ހޮވުނު ފަރާތްތަކަށް އެވޯޑު ހަވާލުކޮށްދެއްވީ ހަފްލާގެ ޝަރަފުވެރި މެހިމެން މިނިސްޓަާ އޮފް ފިނޭންސް އެންޑް ޕްލޭނިން މޫސާ ޒަމީރެވެ.
މިގޮތުން މި އެވޯޑު ހާސިލްކޮށްފައިވަނީ
- މައިކްރޯ އެމްއެސްއެމްއީ އޮފް ދަ އިޔާ - ނޮޑީސް ކޮފީ
- ސްމޯލް އެމްއެސްއެމްއީ އޮފް ދަ އިޔާ - ލޫޕް ކްރާފްޓް ޕްރައިވެޓް ލިމިޓެޑް
- މީޑިއަމް އެމްއެސްއެމްއީ އޮފް ދަ އިޔާ - އޮއިވާލި އާޓް ޝޮޕް
މި ހަފްލާގައި އާންމުންގެ ވޯޓުން އެންމެ މަގުބޫލު ވިޔަފާރިތަކަށް 11 އެވޯޑެއް ދީފައިވާއިރު ނޑިޔާރުންގެ މާކްސްއިން އިތުރު 8 ފަރާތްތަކަށްވެސް އެވޯޑު ވަނީ ދީފައެވެ.
ބިޒްނަސް ސެންޓާ ކޯޕަރޭޝަނުން ބުނި ރާއްޖޭގެ ކުދި ވިޔަފާރިތަކަށް ހާއްސަކޮށްގެން ފުރަތަމަ ފަހަރަށް އެ ވިޔަފާރިތަކުން މަސައްކަތް އަގުވަޒަންކޮށް އެވޯޑެއް ދިންއިރު، ކުރިއަށް އޮތް ތަނުގައި ކޮންމެ އަހަރަކުވެސް މި އެވޯޑު ދޭން ނިންމާފައިވާ ކަމަށެވެ.
