ރިސޯޓެއްގައި ނިޔާވެފައި އޮއްވާ ފެނުނު ޒުވާނެއްގެ ޕޯސްޓްމޯޓަމް ހެދުމަށް ނިންމާފައިވާ ކަމަށް ފުލުހުން ބުނެފިއެވެ.
ފުލުހުން ބުނީ، ބ. އަތޮޅުގައި ހިންގާ ރިސޯޓެއްގައި 21 އަހަރުގެ ދިވެހި ފިރިހެނަކު ނިޔާވެފައިވާ މައްސަލައެއް މި މަހުގެ 23 ވަނަ ދުވަހު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި އެ މައްސަލައިގައ އިތުރަށް ބަލަންޖެހޭ ކަންކަން ބަލައި މަރުގެ ސަބަބު ދެނެގަތުމަށް ޕޯސްޓްމޯޓަމް ހެދުމަށް ތަހުގީގު ޓީމުން ވަނީ ނިންމާފައި ކަަމަށް ފުލުހުން ވަނީ މައުލޫމާތު ދީފައެވެ.
މައްސަލައާިއ ގުޅޭ އިތުރު ތަފްސީލެއް ފުލުހުން ހާމަކޮށްފައި ނުވި ނަމަވެސް ފުލުހުން ދަނީ އެ މައްސަލަ އިތުރަށް ތަހުގީގުކުރަމުންނެވެ.
ގޮތް ނޭނގޭ މަރުތަކާއި ޝައްކު އުފެދޭ މަރުތަކުގައި މީގެ ކުރިން ވެސް ފުލުހުން ޕޯސްޓްމޯޓަމް ހަދާފައި ވެއެވެ.