ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިއުލާންކުރެއްވި ކައުންސިލުތަކަށް ފަޅު ރަށްތައް ދޫކުރުމުގެ ސިޔާސަތުގެ ދަށުން މިހާރުވެސް 24 ފަޅު ރަށެއް ހޯދުމަށް ޕްރޮޕޯސަލް ހުށަހުޅުމުގެ ފުރުސަތު ހުޅުވާލާފައިވާކަމަށް ލޯކަން ލޯކަލް ގަވަނަންސް މިނިސްޓަރު އާދަމް ޝަރީފް ވިދާޅުވެއްޖެއެވެ.
މިރޭ މިނިސްޓަރު އެކްސްގައި ކުރެއްވި ޕޯސްޓެއްގައި ވަނީ ޕްރޮޕޯސަލް ހުށަހެޅުމަށް ހުޅުވާލާފައިވާ 28 ފަޅު ރަށެއް އިއުލާންކޮށްފައެވެ. އޭގެ ތެރެއިން މިހާރު 4 ފަޅު ރަށެއް ކައުންސިލްތަކާއި ހަވާލުކުރުމަށް ނިންމާފައިވާކަން ހާމަކޮށް މިނިސްޓަރު ވިދާޅުވީ ރ.ނެޔޮ، ދ.މަނިމަސްގިލި، އަދި ދ.ފެންފުށީގެ އިތުރުން ލ.ބޮޑުމާބުޅެލި ހޯދުމަށް ހުށަހެޅި ކައުންސިލުތަކަށް މާދަމާ އެ ރަށްތައް ހަވާލުކުރާނެކަމަށެވެ.
އިގްތިސާދީ މަސައްކަތްކުރުމަށް ކައުންސިލްތަކަށް ފަޅުރަށް ދޫކުރުމަށް ހުޅުވާލި ފުރުސަތުގައި މިހާތަނަށް ޕްރޮޕޯސަލް ހުށަހަޅާފައިވަނީ ތިން ކައުންސިލުންނެވެ. ފަޅުރަށް ދިނުމަށް ނިންމާފައިވާ ކައުންސިލްތަކަކީ ރ.އިނގުރައިދޫ ކައުންސިލަށް ރ. ނެޔޮ، ދ. އަތޮޅު ކައުންސިލަށް، ދ. މިނިމަސްގަލި އާއި ފެންފުށި އަދި ލ.މާވަށް ކައުންސިލަށް ލ.ބޮޑުމާބުޅަލި އެވެ.
ކައުންސިލުތަކުން ޕްރޮޕޯސްލް ހުށަހެޅުމުގެ ފުރުސަތު އަދިވެސް ހުޅުވާލާފައިވާއިރު، މިހާރު ޕްރޮޕޯސަލް ހުށަހެޅޭނެ ރަށްތަކަކީ
- ހދ. ފަރިދޫ
- ހދ. ހިރިނައިދޫ
- ށ. ނަރުރިބިދޫ
- ށ. ގައްލައިދޫ
- ށ. މިގޫދޫ
- ނ. ދީފުރަމް
- ނ. އިގުރައިދޫ
- ރ. ހިބިދޫ
- ރ. ހުޅުދޫ
- ރ. ކުޑަތުޅާދޫ
- ބ. މާއްޑޫ ހުޅުދޫ
- ބ. ގާވިލިގިލި
- ބ. ދަކަންދޫ
- މ. މާހުރާ
- ފ. މަކުނުއެރި
- ތ. ފެންމީރުފުށި
- ތ. ކަކޮޅަސް
- ލ. ކަނޑަރަ
- ގއ. ވިލިގަލާ
- ގއ. މުނަންދުވާ
- ގދ. މަނއިދޫ
- ގދ. އަކިރަހުއްޓާ
- ގދ. ވާރެޔަދުވާ
- ގދ. ލޮނުދޫ
މި ފުރުސަތުގައި އެ ކައުންސިލްތަކުގެ އިހްތިސާސުގައި ހިމެނޭ ރަށްތަކުން ފަޅު ރަށެއް ހޯދުން ނުވަތަ ކައިރީގައި ފަޅު ރަށް ނެތް ރަށްތަކަށްވެސް ފަޅު ރަށް ހޯދުމުގެ ފުރުސަތުވެސް ލިިބިގެންދާނެއެވެ.
