އިލެކްޝަންސް ކޮމިޝަން (އީސީ)އަށް 2 މެންބަރުން އަދި އޭންޓި ކޮރަޕްޝަން ކޮމިޝަން (އޭސީސީ)އަށް 2 މެންބަރުން އައްޔަންކޮށްފިއެވެ.
އީސީގެ މެންބަރުކަމަށް ރައީސް ޑރ. މުހައްމަދު މުއިއްޒު އައްޔަނުކުރައްވާފައި ވަނީ މުހައްމަދު ޒާހިދު (ދަފުތަރު ނަންބަރު ރސ 1548)، އަދި އަބްދުއްރަހްމާން ސޮލާހް ރަޝީދު ( ރޯޒް - ކ.ހުރާ) އެވެ.
އޭސީީސީގެ މެންބަރުންގެ ގޮތުގައި ރައީސް އައްޔަންކުރައްވާފައި ވަނީ އަހްމަދު ނާޝިދު (މއ. ގޯލްޑަންމޫން) އަދި އަބްދުﷲ ނާޝިދު( ފަސާނާ - ރ. އަލިފުށި) އެވެ.
އަހްމަދު ނާޝިދަކީ ޕޮލިސް ބޯޑްގެ މެންބަރުކަމާއި، ކުރީގެ އެސިސްޓަންޓް ކޮމިޝަނާ އޮފް ޕޮލިސްގެ މަގާމު ފުރުއްވާފައިވާ ބޭފުޅެކެވެ. އަބްދުﷲ ނާޝިދަކީ އިންޑިއާގެ ރީޖަނަލް އިންސްޓިޓިއުޓް އޮފް އެޑިއުކޭޝަން އިން މާސްޓާ އޮފް އެޑިއުކޭޝަން (ސްކޫލް މެނޭޖްމަންޓް) ހާސިލްކުރައްވާފައިވާ ބޭފުޅެކެވެ. މީގެއިތުރުން އަބްދުﷲ ނާޝިދް ވަނީ އާސަންދަ ކުންފުނީގެ އެކި ޑިޕާޓްމަންޓުގެ މެނޭޖަރުކަން ވެސް ކުރައްވާފައެވެ.
އީސީ އަދި އޭސީސީގެ މެންބަރުކަމަށް އައްޔަން ކުރެއްވި މެންބަރުންނަށް މަގާމާ ހަވާލުވި ކަމުގެ ލިޔުން ރައީސް ހަވާލުކުރެއްވީ، އެކަމަށްޓަކައި މިއަދު ރައީސް އޮފީހުގައި ބޭއްވި ހާއްސަ ރަސްމިއްޔާތެއްގައެވެ.
