ރާއްޖެ އާއި ޗައިނާގެ މިނިވަން ވިޔަފާރީގެ އެއްބަސްވުން ތަންފީޒު ކުރަން ފަށާފައިވާ އިރު، މިހާތަނަށް ޖުމްލަ 1.9 މިލިއަން ރުފިޔާގެ މުދާ ކްލިއާ ކޮށްފައިވާ ކަމަށް ކަސްޓަމްސް އިން ބުނެފިއެވެ.
ކަސްޓަމްސް އިން އާންމު ކުރި މައުލޫމާތަށް ބަލާއިރު މި މަހު އެއް ވަނަ ދުވަހުން ފެށިގެން 18 ވަނަ ދުވަހުގެ ނޔަލަށް ޗައިނާއިން ވައިގެ މަގުން 9 ޝިޕްމަންޓެއް އައިސްފައިވާ އިރު، ކަނޑުމަގުން 3 ޝިޕްމަންޓެއް ވަނީ އައިސްފައެވެ.
ވައިގެ މަގުން އައި 9 ޝިޕްމަންޓްގެ ސީއައިއެފް ވެލިއު އަކީ 882،321 ރުފިޔާ ކަމަށް ކަސްޓަމްސް އިން ބުނެއެވެ. އަދި ކަނޑުމަގުން އައި ތިން ޝިޕްމަންޓްގެ މުދަލުގެ ސީއައިއެފް ވެލިއު އަކީ 1،040،875 ރުފިޔާއެވެ. މިއާއެކު މި ވޭތުވެ ދިޔަ 18 ދުވަހުގެ ތެރޭގައި ޗައިނާއިން ރާއްޖެއަށް ވަނީ 1.0 މިލިއަން ރުފިޔާގެ މުދާ ކްލިއާ ކޮށްފައި ކަމަށް ކަސްޓަމްސް އިން ބުނެއެވެ.
މި މަހުގެ އެއް ވަނަ ދުވަހުން ފެށިގެން ރާއްޖެ އާއި ޗައިނާގެ މިނިވަން ވިޔަފާރީގެ އެއްބަސްވުން ތަންފީޒު ކުރަން ފަށާއިރު، ޗައިނާ އިން ރާއްޖެ އެތެރެކުރާ މުދަލުގެ 70 ޕަސެންޓު މުދަލުން ޓެރިފް ކެނޑޭނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވަނީ ވިދާޅުވެފައެވެ. އަދި ރާއްޖޭން ޗައިނާއަށް ގެންދާ މުދަލުގެ 95 ޕަސެންޓު އިން އެއްވެސް ޑިއުޓީއެއް ނެތި އެ ގައުމަށް އެކްސްޕޯޓު ކުރެވޭނެއެވެ.
