އުރީދޫ މޯލްޑިވްސްގެ ކަސްޓަމަރުންނަށް ހާއްސަކޮށް ހުޅުވާލައިގެން، ދޯހާ މެރެތަންގައި ދުވުމުގެ ފުރުސަތު ލިބުނު ދެ ކަސްޓަމަރުން މެރަތަންއަށް ދިޔުމަށްޓަކައި މިއަދު ދޯހާއަށް ފުރައިފިއެވެ.
މާދަމާ ދޯހާގައި ކުރިއަށްދާ އެ މެރެތަންއަށް ފުރީ ކަސްޓަމަރުންގެ ލަކީ ޑްރޯއިން ހޮވުނު މުހައްމަދު އަޒުހަދު އަހުމަދު އަދި ތާރިގު މުހައްމަދު ރަޝީދެވެ. އަދި އުރީދޫ ސްޓަފުންގެ މެދުގައި ނެގުނު ލަކީޑްރޯއިން ހޮވުނު ހަމްޒީނާ ފުއާދު އާއި ހުސައިން ފަރާޒު މުހައްމަދުވެސް ވަނީ މިއަދު ފުރާފައެވެ.
ވޯލްޑް އެތުލެޓިކްސް ގޯލްޑް ލޭބަލް ހޯދައިފައިވާ ދޯހާ މެރެތަންގައި، މި އަހަރު ދުނިޔޭގެ އެކި ކަންކޮޅުތަކުން 15،000 އަށް ވުރެ ގިނަ ދުވުންތެރިން ބައިވެރިވާނެ އެވެ.
ވޯލްޑް އެތުލެޓިކްސް ގޯލްޑް ލޭބަލްއާ އެކު ދޯހާ މެރެތަންގައި ދުވެގެން އެހެން މަގުބޫލު މެރެތަންތަކަށް ދިޔުމަށް ކޮލިފައި ވާނެ އެވެ.
އުރީދޫއިން އަންނަނީ ކަސްޓަމަރުންނަށް އަބަދުވެސް އެކި ފުރުސަތުތައް ތަނަވަސް ކޮށްދެމުންނެވެ. މިގޮތުން މިދިޔަ އަހަރު ވެސް ލަކީޑްރޯއިން ހޮވުނު ނަސީބުވެރިން ވަނީ ދޯހާ މެރަތަންގައި ދުވެފަ އެވެ.