މާދަމާއިން ފެށިގެން އަނެއްކާވެސް ރާއްޖޭގެ ބޮޑު ބަޔަކަށް މޫސުން ގޯސްވާނެކަމަށް މޫސުމާބެހޭ ގައުމީ އިދާރާ (މެޓް އޮފީހުން) މިއަދު ލަފާކޮށްފިއެވެ.
މެޓްއިން މިއަދު ބުނީ، ރާއްޖޭގެ އިރުން ހުޅަނގުދެކުނު ބޭ އޮފް ބެންގާލްގައި ކޮޅިގަނޑެއް އުފެދި، އެ ކޮޅިގަނޑު ހުޅަނގަށް ޖެހި ރާއްޖޭގެ ސަރަހައްދުގައި ބޯ ވިއްސާރަ ވިލާ އުފެދުމުގެ ފުރުސަތު ބޮޑުވާނެ ކަމަށް ލަފާ ކުރެވޭ ކަމަށެވެ.
އެހެން ކަމުން މާދަމާ (13 ޖެނުއަރީ 2025) އިން ފެށިގެން 18 ޖެނުއަރީ 2025 އާ ހަމައަށް ރާއްޖޭގެ ބޮޑު ސަރަހައްދަކަށް ގުގުރުމާއެކު ބޯކޮށް ވާރޭ ވެހޭނެ ކަމަށް އެ އިދާރާއިން ލަފާކުރެ އެވެ. އަދި އާންމުވައި ގަދަވެ، ކަނޑުތައް ގަދަވާނެ ކަމަށާއި، އުތުރާއި މެދުރާއްޖެތެރޭގެ ރަށްތަކަށް އުދައިގެ އަސަރު ކުރުމުގެ ފުރުސަތު އޮތް ކަމަށްވެސް އެ އިދާރާއިން ބުނެފައިވެއެވެ.
މޫސުން ގޯސްވާނެތީ، އެ އިދާރާއިން ވަނީ މޫސުމުގެ ސަބަބުން ލިބިދާނެ ގެއްލުން ކުޑަކުރުމަށް އަޅަން ޖެހޭ ސަލާމަތީ ފިޔަވަޅު އަޅަން އިލްތިމާސްކޮށްފައިވާއިރު ނޭޝަނަލް ޑިޒާސްޓާ މެނޭޖްމަންޓުން ވެސް ވަނީ މި ދުވަސްތަކުގައި ވިއްސާރައިން ލިބިދާނެ ގެއްލުންތައް ކުޑަކުރުމަށް ދުރާލާ އަޅަންޖެހޭ ފިޔަވަޅުތައް އެޅުމަށް ވެސް އިލްސތިމާސްކޮށްފައެވެ.
އިއްޔެ ވެސް ވަނީ މާލެއަށް ބޯކޮށް ވިއްސާރަ ކޮށްފައެވެ. އެގޮތުން އިއްޔެ ކުރި ވިއްސާރައިގެ ސަބަބުން 7 ގޭބިސީ އެއްގެ 44 މީހަކަށް 1 ދުވަހަށް ވަގުތީ ބޯހިޔާވަހިކަމާއި ކެއިން ބުއިންމުގެ އިންތިޒާމު ވަނީ އެންޑީއެމްއިން އިލްތިމާސްކޮށްފައެވެ.
