100،000 ރުފިޔާގެ ނަސީބުވެރި އިނާމާ އެކު ރޯދަ މަހަށް ހާއްސަކޮށް އެސްޓީއޯއިން ކޮންމެ އަހަރަކުވެސް ބައްވާ "ރަމަޒާން ބާޒާރު" ފަށައިފިއެވެ.
ތަފާތު ގިނަ ޕްރޮމޯޝަން ހަރަކާތްތަކާއި އިނާމުތަކެއް ހިމެނޭ ގޮތަށް ރޭވިފައިވާ މި ސޭލް ކުރިއަށް ދާނީ އަންނަ މާޗު މަހުގެ 31 ވަނަ ދުވަހުގެ ނިޔަލަށް ކަމަށް އެސްޓޯއޯ އިން ބުނެއެވެ.
އެސްޓީއޯ ޕީޕަލްސް ޗޮއިސްގެ ފަރާތުން ކުރިއަށް ގެންދާ އެސްޓީއޯ ރަމަޒާން ބަޒާރަކީ ވިޔަފާރިކުރާ ފަރާތްތަކުގެ ތެރޭގައި އެންމެ މަގްބޫލް އެއް ސޭލް ކަމަށް އެސްޓީއޯއިން ބުނެއެވެ. އަދި އެހެން އަހަރު ތަކެކޭވެސް އެއްގޮތަށް މި އަހަރުގެ އެސްޓީއޯ ރަމަޒާން ބަޒާރުގައި ވެސް ހިތްގައިމު ގިނަ ޑިސްކައުންޓް ތަކެއް އެސްޓީއޯ ޕީޕަލްސް ޗޮއިސް އަދި އެސްޓީއޯ އަތޮޅުތެރޭގެ ޕީޕަލްސް ޗޮއިސްގެ ފިހާރަތަކުން ކަސްޓަމަރުންނަށް ލިބޭނެ ކަމަށް ވެސް އެސްޓީއޯއުން ވަނީ ބުނެފައެވެ.
އެސްޓީއޯއިން ބުނީ މި އަހަރުގެ ރަމަޒާން ބާޒާރުގައި 50 ޕަސެންޓްއާ ހަމައަށް ހޯމްއެޕްލަޔަންސް އައިޓަމްތަކުން ޑިސްކައުންޓް ލިބިގެންދާނެ ކަމަށެވެ. އަދި 500 ރުފިޔާ އިން މަތިން ކުރާ ކޮންމެ ވިޔަފާރިއަކަށް ކޫޕަންއެއް ލިބިގެންދާއިރު ކޮންމެ ހަފްތާއަކު ނަސީބުވެރި ފަރާތަކަށް ހަދިޔާއެއްގެ ގޮތުން ގިފްޓް ހެމްޕާ އެއް ދިނުމަށް ވެސް އެސްޓީއޯއިން ވަނީ ނިންމާފައެވެ.
ރަމަޒާން ބާޒާރު 2025ގެ އެންމެ ހާއްސަ ގްރޭންޑް ޕްރައިޒެއްގެ ގޮތުގައި ޕްރޮމޯޝަން ނިމުމުން ގުރުއަތުން ހޮވޭ ނަސީބުވެރި އެއް ފަރާތަކަށް 100،000 ރުފިޔާގެ ފައިސާގެ އިނާމް ލިބިގެންދާނެ ކަމަށް އެސްޓީއޯއިން ބުނެއެވެ. މީގެއިތުރުން މި ޕްރޮމޯޝަން ކުރިއަށްދާއިރު އާއިލީ ހަވީރަކާއި އިންސްޓޯ ހަރަކާތްތައް ވެސް ކުރިއަށް ގެންދިއުމަށް ހަމަޖެހިފައެވެ.
