އަގުހުރި އިނާމްތަކާއެކު މި އަހަރުވެސް އެސްޓިއޯ އިން ރަމަޟާން ބާޒާރު ކުރިއަށް ދާނެކަމުގައި އެސްޓިއޯ އިންބުނެފައެވެ.
ތަފާތު ގިނަ ޕްރޮމޯޝަން ހަރަކާތްތަކާއި އިނާމުތަކެއް ހިމެނޭ ގޮތަށް ރޭވިފައިވާ މި ސޭލް ކުރިއަށްދާނީ ޖަނަވަރީ 9، 2025 ން ފެށިގެން މާރިޗު 31، 2025 ގެ ނިޔަލަށް ކަމަށް އެސްޓިއޯ އިން ވަނީ ބުނެފައެވެ.
މިއަހަރުގެ ރަމަޟާން ބާޒާރުގައި 50 ޕަސެންޓާއި ހަމައަށް ހޯމްއެޕްލަޔަންސް އައިޓަމްތަކުން ޑިސްކައުންޓް ލިބިގެންދާނެވެ. އަދި 500 ރުފިޔާ އިން މަތިން ކުރާ ކޮންމެ ވިޔަފާރިއަކަށް ކޫޕަން ލިބިގެންދާއިރު ކޮންމެ ހަފްތާއަކު ނަސީބުވެރި ފަރާތަކަށް ހަދިޔާއެއްގެ ގޮތުން ގިފްޓް ހެމްޕާ އެއް ދިނުމަށް ހަމަޖެހިފައިވާކަމަށް އެސްޓިއޯއިން ވަނީ ބުނެފައެވެ.
ރަމަޟާން ބާޒާރު 2025ގެ އެންމެ ހާއްސަ ގްރޭންޑް ޕްރައިޒެއްގެ ގޮތުގައި ޕްރޮމޯޝަން ނިމުމުން ގުރުއަތުން ހޮވޭ ނަސީބުވެރި އެއް ފަރާތަކަށް 100،000ރ ގެ ފައިސާގެ އިނާމް ލިބިގެންދާނެކަމަށް އެސްޓިއޯއިން ވަނީ ބުނެފައެވެ.
މާލޭގެ އިތުރުން އަތޮޅުތެރޭގެ އެސްޓީއޯ ފިހާރަ ތަކުގައިވެސް ރަމަޟާން ބާޒާރު ކުރިއަށްދާނެއެވެ. މިއަހަރު ރަމަޟާން ބާޒާރު ކުރިއަށް ދާއިރު އިތުރު ގިނަ ހަރާކާތްތަކެއް ބޭއްވުމަށް ވަނީ ނިންމާފައެވެ. އެގޮތުން އާއިލީ ހަވީރެއްގެ އިތުރުން އިންސްޓޯ ހަރަކާތްތައްވެސް ކުރިއަށް ގެންދިއުމަށް ވަނީ ހަމަޖެހިފައެވެ.
