ޑްރޯންގެ އެހީގައި ހޯދައި ހިފެހެއްޓި ބޯޓަކީ އަވަށްޓެރި ސްރީލަންކާ އަށް ނިސްބަތްވާ ބޯޓެއް ކަމަށް ސިފައިން ބުނެފިއެވެ.
ރާއްޖޭގެ ކަނޑުގެ ސަރަހައްދަށް ގަވައިދާ ހިލާފަށް އެތެރެވި މަސް ބޯޓެއް ސިފައިން ހިފަހައްޓާފައިވަނީ މިދިޔަ ބުރާސްފަތި ދުވަހުގައެވެ. ނަމަވެސް އިތުރު ތަފްސީލެއް ސިފައިން އެ ދުވަހު ނުދެއެވެ.
މިއަދު މީޑިއާ އާ ހިއްސާކުރި މައުލޫމާތުގައި ސިފައިން ބުނީ، ބުރާސްފަތި ދުވަހު ހިފެހެއްޓި ބޯޓު ނިސްބަތްވަނީ ސްރީލަންކާ އަށް ކަމަށާއި، އެ ބޯޓު ހިފެހެއްޓިއިރު ތިން މީހަކު ތިބި ކަމަށެވެ.
މިހާރު އެ ބޯޓު ފުލުހުންނާ ހަވާލުކޮށްފައިވާ ކަމަށް ވެސް ސިފައިން ބުންޏެވެ.
