އާ އަހަރާ ދިމާކޮށް ބޮޑެތި ބޯނަސް ޑޭޓާ އެކު ހާއްސަ އޮފާތަކެއް އުރީދޫން ތައާރަފްކޮށްފިއެވެ.
މި އޮފާތައް ތައާރަފްކުރީ އުރީދޫން ބުނި ގޮތުގައި، ކުރިއަށް އޮތް އަހަރަކީ އުޖާލާ އަހަރަކަށް ހެދުމުގެ ގޮތުންނެވެ. އެގޮތުން އުރީދޫން ވަނީ ބައެއް އެޑްއޯންތަކަށް ޑޭޓާ އިތުރުކޮށް ދިގު މުއްދަތަކަށް ބޭނުންކުރެވޭ އާޗާ ޕްލޭންތަކެއް ވެސް ތައާރަފްކޮށްފައެވެ.
އުރީދޫން އާ އަހަރާ ދިމާކޮށް ޑޭޓާ ޕެކޭޖުތަކަށް އިތުރުކުރި ޑޭޓާ
- ބޯނަސް ޑޭޓާ: ބައެއް އެޑްއޯންތަކާ އެކު 175 ޖީބީ އާ ހަމައަށް ބޯނަސް ޑޭޓާ، އޭގެ ތެރޭގައި 'މަގޭ ޕްލޭން' އާއި އުރީދޫ ޑޭޓާ ޕެކުތަކާއި 'އާޗާ' ޕެކުތައް ހިމެނޭ
- 100 ރުފިޔާ އަށް ލިބޭ 100 ޖީބީގެ ޑޭޓާ ޕެކަށް އިތުރުކުރި 50 ޖީބީ އާ އެކު ޖުމްލަ 150 ޖީބީ ފަސް ދުވަހަށް
ބޯނަސް ޑޭޓާ އާ އެކު މި ޕެކޭޖުތައް އަންނަ މަހުގެ ނިޔަލަށް 'މައި އުރީދޫ' އެޕްލިކޭޝަން މެދުވެރިކޮށް އެކްޓިވޭޓްކުރެވޭނެ ކަމަށް އުރީދޫން މައުލޫމާތު ދެއެވެ.
ދިގު މުއްދަތަކަށް ބޭނުންކުރެވޭ އާޗާ ޕްރީޕެއިޑް ޕްލޭންތައް
އުރީދޫން މައުލޫމާތު ދޭ ގޮތުގައި ދިގު މުއްދަތަކަށް ބޭނުންކުރެވޭ އާޗާ ޕްރީޕެއިޑް ޕްލޭންތައް އިތުރު ޑޭޓާ އާ އެކު ވަނީ އަޕްގްރޭޑް ކުރެވިފައެވެ. އެގޮތުން:
- އާޗާ އަހަރީ ޕްލޭން: ދުވާލަކަށް 1.5 ޖީބީގެ ޑޭޓާ (ގާތްގަނޑަކަށް 550 ޖީބީ އަހަރަކަށް)، އަންލިމިޓެޑް ވައިބާ އާއި އައިއެމްއޯ (އަގު: 2،025ރ)
- އާޗާ ހަ މަހުގެ ޕްލޭން: ދުވާލަކަށް 4.5 ޖީބީގެ ޑޭޓާ (ގާތްގަނޑަކަށް 820 ޖީބީ ހަ މަހަށް)، އަންލިމިޓެޑް ވައިބާ އާއި އައިއެމްއޯ (އަގު: 2،025ރ)
- އާޗާ ތިން މަހުގެ ޕްލޭން: ދުވާލަކަށް 4.5 ޖީބީގެ ޑޭޓާ (ގާތްގަނޑަކަށް 410 ޖީބީ ތިން މަހަށް) އަންލިމިޓެޑް ވައިބާ އާއި އައިއެމްއޯ (އަގު: 1،100ރ)
މި އޮފާތަކަކީ ބޮޑު ޗުއްޓީ އާއި އާ އަހަރުގެ ޗުއްޓީ އާ ދިމާކޮށް އާއިލާ އާއި ރައްޓެހިންނާ ގުޅުން ބަދަހިކުރުމަށާއި، ފިލްމާއި ސީރީޒްތައް ސްޓްރީމްކުރުމާއި ގޭމް ކުޅުން ފަދަ ކަންތައްތަކަށް އިންޓަނެޓު ފުރިހަމައަށް ފޯރުކޮށްދިނުމުގެ ގޮތުން ކަސްޓަމަރުންނަށް ދިން ހަދިޔާއެއް ކަމަށް އުރީދޫން ބުންޏެވެ.
