ގަލޮޅުގައި ހުރި ގެއެއްގެ ތެރެއިން ނިޔާވެފައި އޮތް މީހަކު ފެނިއްޖެއެވެ.
ފުލުހުން ބުނީ މާލެ، ގަލޮޅުގައި ހުރި ގެއެއްގައި ހަބަރު ހުސްވެފައި އޮތް މީހަކު އޮތް ކަމުގެ މައުލޫމާތު މިއަދު 5:02 އެހާކަންހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
ފުލުހުން ބުނީ ނިޔާވެފައިވަނީ އުމުރުން 35 އަހަރުގެ ފިރިހެނެއް ކަމަށާއި އެއީ ގ. ފަރެސް ލައިޓް، އަލީ ރަޝީދު ކަމަށެވެ.
ފުލުހުން މައުލޫމާތު ދިން ގޮތުގައި އަލީ ރަޝީދު އައިޖީއެމްއެޗަށް ގެންދިޔަ އިރުވެސް ވަނީ ނިޔާވެފައެވެ.
މި ކަމާއި ގުޅޭ އިތުރު މައުލޫމާތެއް ފުލުހުން ދީފައެއް ނުވެއެވެ. އަދި ފުލުހުން މި މައްސަލަ ދަނީ ތަހުގީގު ކުރަމުންނެވެ.
