އަންނަ އަހަރު ޖެނުއަރީ 2 ވާ ބުރާސްފަތި ދުވަހަކީ، ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހަމަޖައްސަވައިފިއެވެ.
މި ދުވަސް ބަންދު ދުވަހެއްގެ ގޮތުގައި ހަމަޖެއްސެވިކަން ހާމަކުރެއްވީ މިއަދު ރައީސް އޮފީހުން ނެރުނު ބަޔާޏެއްގައެވެ.
ރައީސުލްޖުމްހޫރިއްޔާ މި ދުވަސް ބަންދު ދުވަހެއްގެ ގޮތުގައި ހަމަޖެއްސެވީ، މީލާދީ އާ އަހަރު ފެށޭ ދުވަހަކީ، ސަރުކާރު ބަންދު ދުވަހެއް ކަމަށްވުމާއެކު، ކަލަންޑަރުގައިވާ ގޮތުން އަންނަ އަހަރުގެ ޖަނަވަރީ 1 ވަނަ ދުވަސް ދިމާވަނީ ބުދަ ދުވަހަކަށްވެފައި އެ ދުވަހާ ޖެހިގެން އަންނަ ދުވަސް ބަންދު ކުރުމުން ހަފްތާ ބަންދު ކަމުގައި ވާތީ މެދުކެނޑުމެއް ނެތި ސަރުކާރު މުވައްޒަފުންނަށް ޗުއްޓީ ހަމަޖައްސައި ދިނުމަށް ކަމަށް ރައީސް އޮފީހުން ބުނެއެވެ.
ޖެނުއަރީ 2 ވަނަ ދުވަސް ސަރުކާރު ބަންދު ދުވަހެއް ގޮތުގައި ހެދުމުން ޖެނުއަރީ 1 ވަނަ ދުވަހުން ފެށިގެން ޖެނުއަރީ 4 ވަނަ ދުވަހާ ހަމައަށް ހަތަރު ދުވަހުގެ ބަންދެއް ސަރުކާރު މުވައްޒަފުންނަށް ލިބޭނެއެވެ.
