ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ އަދި އެންވަޔަރަމަންޓް މިނިސްޓްރީގެ އިތުރުން މާލެ ސިޓީ ކައުންސިލްގެ ރަޖިސްޓްރޭޝަނާ ބެހޭ ބައި ހުންނަ މ. ގްރީން ބިލްޑިން ކޮމްޕްލެކްސްގައި ރޯވެ އަނދަމުން އެބަދެއެވެ.
ހެދުނު 7 ޖަހާކަންޖާއިރު ރޯވި އެލިފާންގަނޑު ފެތުރި އެ ކޮމްޕްލެކްސްގެ ތެރޭގައި ހުންނަ ހުރިހާ އޮފީހަކަށް އަލިފާނުގެ އަސަރު މިހާރު ވަނީ ކޮށްފައެވެ.
މަންޒަރު ދުށް ބައެއް މީހުން ބުނީ، ހެނދުނު 6:45 ގައި އެމްއެންޑީއެފް ފަޔާ ލޮރީ އަކާއި ޕޮލިސް ވެހިކަލެއް ހައުސިން މިނިސްޓްރީ ކަންމަތީގައި އޮތް ކަމަށާއި އޭރު އެ އިމާރާތުން އަލފާނުގެ އަސަރެއްވެސް އަދި ދުމުގެ އަސަރެއްވެސް ބޭރަށް ފެންނަން ނެތް ކަމަށެވެ.
އެމްއެންޑީއެފް އިން ބުނީ، އަލިފާން ކޮންޓްރޯލް ނުވާ ކަމަށާއި އިމާރާތް ކުރުމާއި ބިމާ ބެހޭ ވުޒާރާ ހުންނަ މުޅި ބިލްޑިންގައި ރޯވެ އަނދާފައި ވާ ކަމަށެވެ. އަދި އެ އިމާރާތުގެ ވަށައިގެން ހުރި އެހެން އިމާރާތް ތަކުގައިވެސް ރޯވެފައި ވާ ކަމަށާއި، އެ އިމާރާތްތަކުގައި މީހަކު ހުރި ނަމަ އެ އެންމެން ނެރެ ރައްކާތެރި ހިސާބުތަކަށް ގެންގޮސްފައި ވާ ކަމަށެވެ.
އެމްއެންޑީއެފްއިން އިތުރަށް ބުނީ، އެހެން އިމާރާތްތަކަށް އަލިފާން ފޯރިއަ ނުދޭން މަސައްކަތް ކުރަމުން ދިޔަ ނަމަވެސް އެންވަޔަރަމެންޓް މިނިސްޓްރީ ހިންގަމުން އަންނަ "ގްރީން ބިލްޑިން" އާ ހަމައަށް ވެސް އަލިފާން ފޯރާފައި ވާ ކަމަށެވެ.
އަލިފާން ނިއްވުމުގައި އެއާޕޯޓް ފަޔާ ސާވިސްގެ އެހީތެރިކަން އެމްއެންޑީއެފް އިން ހޯދަމުން ދާ އިރު، އެ ކޮމްޕްލެކްސްގެ ބޮޑު ބަޔަކީ ލަކުޑި ޑެގް އަޅާ ލަކުޑި ބިތް އަދި ބޭރުގައި ޓިނު ޖަހައިގެން 4 ބުރިއަށް ހަދާފައި ހުރި ތަނެކެވެ. އަދި ގްރީން ހައުސް އިމާރާތަކީ ރާނާފައި ހުރި ތަނެކެވެ.
