ދިވެހިރާއްޖޭގައި ތައްޔާރުކުރެވިފައިވާ ފުރަތަމަ އެންޑްލެސް ރަނާ ގޭމް ކަމުގައިވާ "އަތޮޅު ދުވުން" ގޭމުން ވަނަތަކަށް ދާ ފަރާތްތަކަށް މި ޑިސެމްބަރު މަހުވެސް އަގުހުރި އިނާމުތަކެއް އުރީދޫ މޯލްޑިވްސް އިން ކަނޑައަޅައިފިއެވެ.
އުރީދޫއިން ބުނީ ޑިސެމްބަރު މަހު އެއްވަނައަށް ދާފަރާތަކަށް އެސްޓާސްގެ ޓްރެޑްމިލް އެއް ލިބިގެން ދާނެކަމަށެވެ.
އެޕަލް އެޕްސްޓޯ އަދި ގޫގަލް ޕްލޭ ސްޓޯ އިންވެސް އަތޮޅު ދުވުން ޑައުންލޯޑުކުރެވޭނެއެވެ. މިގޭމުގައި 12 ލެވެލް ހިމެނޭއިރު، ކޮންމެ ލެވެލް އަކު އާ ރަށަކަށް ދަތުރު ކުރެވޭނެ ކަމަށާއި، އަންލޮކް ވެގެން ދާ ލެވެލް ކުޅެވޭނީ ހަމައެކަނި އެ މަހު ކަމަށްވެސް އުރީދޫ އިން ވަނީ ބުނެފައެވެ.
ކަރަންޓުގައި ހިމެނޭ މަންޒަރުގައި ސިއްރު އާޓްވޯކެއް ހިމެނިފައިވާކަމަށާއި، މި އާޓްވޯކް ގޭމްގެ ތެރެއިން ހޯދައިގެން ބޯނަސް ލެވެލް އެއް ކުޅުމުގެ ފުރުސަތު ލިބުގެން ދާނެ ކަމަށްވެސް އުރީދޫ އިން ވަނީ ބުނެފައެވެ.
އަތޮޅު ދުވުން ގޭމަކީ ރާއްޖޭގައި އުފައްދާފައިވާ ފުރަތަމަ ކެޝުއަލް ރަނާ ގޭމެވެ. މި ގޭމު ތައްޔާރު ކުރީ ލޫފްކްރާފްޓް ޓީމުންނެވެ.
