ރާއްޖެއާއި މޮރިޝަސްއާ ދެމެދު މިލްކުވެރިކަމާ މެދު ހިޔާލުތަފާތުވެފައި އޮތް ޗާގޮސްގެ ރަށްތައް މޮރިޝަސްއާ ހަވާލުކުރަން އިނގިރޭސިވިލާތުން ނިންމުމާ ގުޅިގެން ރައީސް ޑރ. މުހައްމަދު މުއިއްޒު އިނގިރޭސި ސަރުކާރަށް ފޮނުއްވި ސިޓީފުޅު ހާމަނުކުރަން ސަރުކާރުން ނިންމައިފިއެވެ.
މި އަހަރުގެ ޖުމްހޫރީ ދުވަހުގެ ޖަލްސާގައި ވާހަކަފުޅު ދައްކަވަމުން ރައީސް ވަނީ ޗާގޯސްގެ ރަށްތައް ރާއްޖެ އަށް ލިބުން މާ އައުލާންކަން ބޮޑު ކަމަށާއި އެކަމާ ގުޅޭ ގޮތުން އިނގިރޭސި ވިލާތަށް ރަސްމީކޮށް ސިޓީފުޅެއް ފޮނުއްވާފައިވާކަން ހާމަކުރައްވާފައެވެ.
އެ ސިޓީގެ ކޮޕީއެއް ހޯދަން މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން ބައެއް ނޫސްތަކުން ހުށަހެޅާފައިވާއިރު، ގާނޫނުގައި ޖަވާބު ދޭންޖެހޭ ކަމަށް ބުނާ 14 ދުވަހުގެ މުއްދަތު އިތުރުކުރުމަށްފަހު ރައީސް އޮފީހުން ވަނީ މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ 31 ވަނަ މާއްދާއަށް ރިއާޔަތްކޮށް އެ މައުލޫމާތު ހިއްސާކުރެވެން ނެތް ކަމަށް ބުނެފައެވެ.
މޮރިޝަސް އާއި ރާއްޖެއާ ދެމެދު ޗާގޮސްއާ ދިމާލުން ކަނޑުގެ ސަރަހައްދު ބަހާނެ ގޮތަކާ މެދު ހިޔާލުތަފާތުވެފައިވާތީ ދެ ގައުމުގެ އިން ވަކިކުރުމަށް އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް)އިން ނިންމި ނިންމުމުގައި ވަނީ ހިޔާލުތަފާތުވެފައިވާ ކަނޑުގެ ސަރަހައްދު ބަހާނެ ގޮތްތަކެއް ކަނޑައަޅާފައެވެ.
އެގޮތުން ހިޔާލުތަފާތުވެފައި އޮތް 95،000 އަކަކިލޯމީޓަރުގެ ސަރަހައްދު އިޓްލޮސް އިން ބަހާލީ ރާއްޖެއަށް 47،232 އަކަކިލޯމީޓަރު އަދި މޮރިޝަސްއަށް 45،331 އަކަކިލޯމީޓަރު ލިބޭ ގޮތަށެވެ.
މުޢިއްޒުއެވެ.ތިކަމުގައި ޤައުމަށް ޣައްދާރު ނުވައްޗެވެ..އެއީ ދިވެހި ގައުމުގެ ބައެކެވެ..ހެކި އެބަހުއްޓެވެ..ވަރަށް ވިސްނަވައްޗެވެ..ރައްޔިތުންގެ ގިނަ ބަޔަކު ތިބީ ތިކަމާ ފިސާރި ކެރިގެން ނިކުމެއެވެ. ސަރުކާރުން އެމީހުންނަށް އެހީތެރި ވާށެވެ.ޢިލްމީ ޤާބިލު ބޭފުޅުންނާއި ޤާނޫނީ ޢިލްމު ވެރިން އެޓީމުގައި އެބަ ތިއްބެވިއެވެ..އެބޭފުޅުން ތިއްބެވީ ސިޔާސީ ކަމެއް ކުރާކަށް ނޫނެވެ.ގައުމުގެ ވެލިފުކެއް ވެސް ބޭރު ބަޔަކަށް ދިޔަނުދެއްވައްޗެވެ..މުޢިއްޒުއެވެ.މަނިކުފާނުގެ މިވެރި ކަމުގައި ފިސާރި ކެރި ހުރެގެން އެކަން ކޮށްދެއްވައިފި ނަމަ ތިޔައީ ގައުމީ ބަޠަލެއްގެ ގޮތުގައި ތާރީޚު ލިޔާނެއެވެ.