އެސްޓިއޯ އިން ތަފާތު ގިނަ ބްރޭންޑްތަކުގެ ތަކެތި ހިމެނޭހެން ބޮޑެތި ޑިސްކައުންޓްތަކާއި އެކު ދެކުނު ބޮޑު ބާޒާރުގެ ނަމުގައި ވެއާ ހައުސް ސޭލެއް ފަށައިފިއެވެ.
މި މަހުގެ 5 ވަނަ ދުވަހުން ފެށިގެން 7 ޑިސެމްބަރު 2024ގެ ނިޔަލަށް ކުރިއަށް ގެންދާ މި ވެއާ ހައުސް ސޭލް ކުރިއަށް ދަނީ އައްޑޫ ހައި ސްކޫލުގައެވެ.
މިއަދު ވެއާ ހައުސް ސޭލް ކުރިއަށް ދާނެ ގަޑިތަކަކީ
- 14:00 ން 18:00 އަށް20:00 ން 23:00 އަށް
މި ސޭލްގައި ހިމެނޭ ބްރޭންޑް ތަކުގެ ތެރޭގައި:
- ހިޓާޗީ
- މަކިޓާ
- ރެމިންގްޓަން
- ރަސްލް ހޮބްސް
- ފިލިޕްސް
މީގެ އިތުރުން ބަދިގެ ތެރޭގައި ހިފާ ގެންގުޅޭ ތަފާތު ގިނަ ބާވަތެއްގެ އައިޓަމްތައް ހިމެނިގެންދާއިރު އެސްޓިއޯ އިން ވިއްކާ ބްރޭންޑްތަކުގެ ޓީވީ، އޭސީ، ދޮންނަ މެޝިން، ފްރިޖުގެ އިތުރުން ގިނަ އިލެކްޓްރޯނިކް ސާމާންތައް ހިމެނެއެވެ. އަދި މަކީޓާ ބްރޭންޑްގެ ޓޫލް ކިޓްތައްވެސް މި ސޭލްއިން ލިބިގެންދާނެއެވެ.
މި ސޭލްގައި 50 ޕަސެންޓާއި ހަމައަށް ޑިސްކައުންޓް އަގުތަކެއްގައި ތަކެތި ވިއްކަމުން އަންނައިރު އެސްޓިއޯ އިން ބުނީ މިރެއަކީ ސޭލްގެ އެންމެ ފަހުރޭ ކަމަށްވުމާއެކު، މިރޭ އެއްޗެހީގެ އަގުތައް ވަރަށް ބޮޑަށް ހެޔޮވާނެކަމަށެވެ. އަދި މިރޭ ވެސް ބަދިގެ ތެރޭގައި ހިފާ ގެންގުޅޭ ސާމާންތަކުގެ އާ މުދާތައް ލިބެން ހުންނާނެކަމަށް އެސްޓިއޯ އިން ވަނީ ބުނެފައެވެ.
އެސްޓީއޯއިން ކުރިއަށް ގެންދާ މިވެއާ ހައުސް ސޭލްގެ ތެރެއިން 500 ރުފިޔާ އިން މަތިން ކުރާ ކޮންމެ ވިޔަފާރިއަކަށް ކޫޕަނެއް ދިނުމަށް ހަމަޖެހިފައިވާކަމަށް އެ ކުންފުނިން ވަނީ ބުނެފައެވެ. އަދި ސޭލް ކުރިއަށްދާ ކޮންމެ ރެއަކު ނަސީބުވެރި ފަރާތެއް ހޮވުމުގެ އިތުރުން ވެއާ ހައުސް ސޭލް ނިމުމުން ނެގޭ ގުރުވަތުގައި ނަސީބުވެރި އެއް ފަރާތަކަށް ބޮޑު އިނާމެއް ދިނުމަށް ހަމަޖެހިފައިވާކަަމަށް އެސްޓިއޯ އިން ވަނީ ބުނެފައެވެ.
އެސްޓިއޯއިން ކޮންމެ އަހަރަކުވެސް މާލޭގެ އިތުރުން އެ ކުންފުނީގެ ފިހާރަތައް ހުންނަށް ރަށްރަށުގައި ވެސް ކޮންމެ އަހަރަކު ވެއާ ހައުސް ސޭލް ކުރިއަށް ގެންދެއެވެ.
