ގއ. ދާންދޫގެ މަގެއް މަތީގައި 33 އަހަރުގެ ދިވެއްސަކު މަރުވެފައި އޮއްވާ ފެނިއްޖެއެވެ.
މީޑިއާ އަށް ދިން މައުލޫމާތުގައި ފުލުހުން ބުނީ، މަރުވެފައިވާ އޮއްވާ ފެނުނީ އަހްމަދު އަބްދުﷲ، ނަގަހެލަ / ގއ. ދާންދޫ (33އ) ކަމަށެވެ.
ފުލުހުން މައުލޫމާތު ދިން ގޮތުގައި ދާންދޫގެ އިންޖީނުގެއާ ވީ ފަރާތަށް އަހްމަދު ވެއްޓިފައި އޮއްވާ ކަމުގެ މައުލޫމާތު ލިބިފައިވަނީ މިއަދު ހެނދުނު 8:10 ހާއިރު ކަމަށެވެ.
އެ ރަށު ސިއްހީ މަރުކަޒާ ހަވާލާދީ ފުލުހުން ބުނީ، ހެލްތު ސެންޓަރަށް ގެންދިޔައިރު ވެސް އަހްމަދު އޮތީ މަރުވެފައި ކަމަށެވެ.
ފުލުހުން ދަނީ މި މައްސަލަ އިތުރަށް ބަލައި ތަހްގީގުކުރަމުންނެވެ.
