އުރީދޫ މޯލްޑިވްސްގެ ކަސްޓަމަރުންނަށް ހާއްސަކޮށް ހުޅުވާލައިގެން، ކުރިއަށް ގެންދިޔަ ދޯހާ މެރެތަންގައި ދުވުމުގެ 2 ފުރުސަތު ލިބޭ ލަކީ ޑްރޯ ގެ ނަސީބުވެރި ފަރާތް ހޮވައިފިއެވެ.
މިލަކީޑްރޯއިން ހޮވިފައިވާ ދެފަރާތަކީ މުހައްމަދު އަޒްހަދު އަހުމަދު އަދި ތޯރިގު މުހައްމަދެވެ.
ދޯހާ މެރަތަން އޮންނާނީ ޖަނަވަރީ 17، 2025 ގައި ގަތަރުގައެވެ. މިލަކީ ޑްރޯގައި ބައިވެރިވުމަށްޓަކައި އުރީދޫ ވެބްސައިޓު މެދުވެރިކޮށް އޮކްޓޯބަރު 26، އިން ފެށިގެން ނޮވެމްބަރު 26، 2024 ގެ 23:59 އާއި ހަމައަށް ބައިވެރިވުމަށް ހުޅުވާލެވުނެވެ. އުރީދޫ އިން ބުނީ ލަކީ ޑްރޯއިން ހޮވާފައިވަނީ ޝަރުތުތައް ފުރިހަމަވާ ކަސްޓަމަރުންގެ މެދުގައި ކަމަށެވެ. އެގޮތުން އުރީދޫ މޯލްޑިވްސްގެ ކަސްޓަމަރެއްގެ ގޮތުގައި މަދުވެގެން 1 އެއްއަހަރު ދުވަސްވުން ހިމެނެއެވެ.
މީގެ އިތުރުން ދޯހާ މެރަތަންގައި ހާފް މެރަތަންއެއް ނުވަތަ މެރަތަންއެއް ދުވުމުގެ ގާބިލްކަން ހުރުމާއެކު މީގެ ކުރިން ހާފް މެރަތަންއެއްގައި ދުވެފައިވުން ހިމެނެއެވެ. އަދި ގަތަރަށް އެތެރެވުމުގެ ޝަރުތުތައް ފުރިހަމަވާ ދިވެހި ޕާސްޕޯޓެއް އޮތް މީހަކަށްވުން ހިމެނެއެވެ.
މިއީ އުރީދޫ މޯލްޑިވްސްގެ ފަރާތުން ކަސްޓަމަރުން ދޯހާ މެރަތަން އަށް ފޮނުވާދެވަނަ ފަހަރެވެ.
މިއަހަރުގެ ދޯހާ މެރަތަންގައި 15،000 އަށް ވުރެ ގިނަ ބައިވެރިން ބައިވެރިވާނެ ކަމަށް މި މެރަތަން އިންތިޒާމު ކުރާ ފަރާތުން ވަނީ ލަފާކޮށްފައެވެ.
