ކުޑަ އަންހެން ކުއްޖަކަށް ޖިންސީ ގޯނާ ކުރި މައްސަލައަކާ ގުޅިގެން މީހަކު ހައްޔަރު ކޮށްފިއެވެ.
ފުލުހުން ބުނީ ސަދަން ޕޮލިސް (މ.ފ.ދ.ތ.ލ) ގައި ހިމެނޭ ރަށެއްގައި އަންހެން ކުއްޖަކަށް ޖިންސީ ގޯނާ ކުރިކަމަށް ތުހުމަތު ކުރެވޭ މައްސަލައެއް ނޮވެމްބަރު 25 ވަނަ ދުވަހު ރިޕޯޓު ކޮށްފައިވާ ކަމަށެވެ. އަދި މި މައްސަލައާއި ގުޅިގެން އުމުރުން 51 އަހަރުގެ ފިރިހަނަކު ކޯޓު އަމުރެއްގެ ދަށުން ހައްޔަރުކޮށްފިއިވާ ކަމަށް ފުލުހުން ވަނީ ބުނެފައެވެ.
އިތުރަށް ފުލުހުން ވަނީ މި މައްސަލަ ތަހުގީގުކުރަމުން އަންނަކަމަށް ބުނެފައެވެ.
ރާއްޖޭގައި ކުޑަކުދިންނަށް ޖިންސީ ގޯނާ ކުރާ މައްސަލަ ވަރަށް ބޮޑަށް އިތުރުވަމުން އަންނައިރު މިފަދަ ގިނަ މައްސަލަތަކުގައި ހައްޔަރު ކޮށްފައި ވަނީ އާއިލީ ގޮތުން ގުޅުން ހުންނަ، ދަންނަ ގާތް މީހުން ނުވަތަ ޒިންމާދާރު މަގާމެއްގައި ހުންނަ މީހުންކަން ފާހަގަ ކުރެވެއެވެ. ރާއްޖޭގައި ކުޑަކުދިންނަށް ކުރާ ޖިންސީ ގޯނާއާއި ދެކޮޅަށް ގިނަ މަސައްކަތްތަކެއް ކުރަމުން އަންނައިރު ކަމާއި ގުޅުން ހުރި މުވައްސަސާ ތަކުންވެސް އަންނަނީ ކުދިންނާއި، ބެލެނެވެރިންނަށް ހޭލުންތެރިކުރުމުގެ ޕްރޮގްރާމްތައް ހިންގަމުންނެވެ.
