ރާއްޖޭގައި އުޅޭ ނަން މަޝްހޫރު ބޮޑެތި ގޭންގުތުއް އެއްކޮށް ހުއްޓުވާނެ ކަމަށް ހޯމް މިނިސްޓަރު އަލީ އިހްސާން ވިދާޅުވެއްޖެއެވެ.
ސަރުކާރަށް އެއް އަހަރު ފުރުމާ ގުޅިގެން އެސްއެސް ޓީވީއަށް ދެއްވި ހާއްސަ އިންޓަވިއުއެއްގައި އިހްސާން ވިދާޅުވީ ގޭންގުތައް ހުއްޓުވޭނޭ ކަމުގެ 100 ޕަސެންޓް ޔަގީންކަން މިހާރު އެބައޮތް ކަމަށާއި މިކަން ކުރެވޭނޭ ގާބިލުކަން އަދުގެ ރައީސުލްޖުމްހޫރިއްޔާގެ އެބަހުރިކަމަށެވެ.
ރައީސުލް ޖުމްހޫރިއްޔާގެ ނިންމެވުންތައް ތަންފީޒު ކުރުމުގައި ހޯމް މިނިސްޓްރީންނާއި އަދި ދިވެހި ފުލުހުން މަސައްކަތް ކުރާނެކަމުގެ ޔަގީންކަން ދެއްވަމުން އަލީ އިހްސާން ވިދާޅުވީ މި ސަރުކާރުން ގާނޫނު ތަންފީޒު ކުރުމާމެދު ވިސްނާ ވަރަށް ނިމިދިޔަ ސަރުކާރުތަކުން ވެސް ވިސްނިނަމަ ގޭންގުތަކުގެ ބިރުވެރިކަން ބޮޑު ނުވާނެ ކަމަށެވެ
ގޭންތަކުގެ ބާރު ރާއްޖޭގައި ގަދަވެގެން އައީ ކުރީގެ ސަރުކާރުތަކުން ގޭންގުތަކުން އެއްބާރުލުން ދީފައި އޮތުމުންކަން ފާހަގަކޮށް އިހްސާން ވިދާޅުވީ މިއީ ގަބޫލުކުރަންޖެހޭ ހަގީގަތެއްކަމަށެވެ. އެހެންކަމުން މި ސަރުކާރުން މިކަމަށް ފިޔަވަޅު އަޅަނީ އެންމެން މިކަމަށް ޒިންމާވާން ޖެހޭ ހާލުގައި ކަމަށް މިނިސްޓަރު ވިދާޅުވިއެވެ.
މީގެ އިތުރުން ރާއްޖޭގެ އަދުގެ ހާލަތަށް ބަލާއިރު ކުށުގެ މާހައުލުގައި އުމުރުން 12، 13 އަހަރުގެ ކުދީން ހަރަކާތްތެރިވަމުން އަންނަ ކަމަށެވެ. ތަފާސްހިސާބު ތަކުން ދައްކާގޮތުން ދިރިއުޅޭ މާހައުލުގެ ސަބަބުން 12 އަހަރުން ފެށިގެން ކުޑަކުދިން ކުށުގެ ވެއްޓަށް ނިކުތުމަށް މަގުފަހިވާ ކަން ފާހަގަކޮށް އިހްސާން ވިދާޅުވީ މިހާރު ކެބިނެޓް މީޓީންގައި މަޝްވަރާކޮށް ޖިނާއީ ކުށުގެ ޒިންމާ ނަގަންޖެހޭ އުމުރު 12 އަހަރަށް ތިރިކުރުމަށް ނިންމާފައި ވާނެކަމަށެވެ. އަދި އެ އިސްލާހު މިހާރު ޑްރާފްޓްކޮށް އޭޖީ އޮފީހަށް ފޮނުވުމުގެ ތައްޔާރީތައް ވަމުން އަންނަކަމަށް މިނިސްޓަރު ވިދާޅުވިއެވެ.
ތިޔަ ގޭންގް ތަކެއް ނުހުއްޓުވޭނެ އެހިތްވަރެއް މިހާތަނަށް ނުދެއްކުނެއް ނޫން...ހަމަ ހުސް ވާހަކަ....ދެތިން މަސްތެރޭ ހުއްޓުވޭނެ ނަމަ ހުއްޓުުވުނީސް.