ރާއްޖޭގެ ކަނޑުގެ ސަރަހައްދަށް ގަވައިދާ ހިލާފަށް އެތެރެވި ބޯޓެއް ޑްރޯންގެ އެހީގައި ހޯދައި، ކޯސްޓްގާޑުން ހިފަހައްޓައިފިއެވެ.

ސިފައިން 'އެކްސް'ގައި ޑްރޯނުން ނަގާފައިވާ ފޮޓޮއަކާ އެކު ހިއްސާކުރި މައުލޫމާތުގައިވާ ގޮތުން، އެ ބޯޓު ހިފަހައްޓާފައި ވަނީ މިއަދު ހަވީރުގެ ވަގުތެއްގައެވެ.

އެ ޕޯސްޓްގައި ސިފައިން ބުނީ، ރާއްޖޭގެ އުތުރުގެ ސަރަހައްދު ބެލެހެއްޓުމަށް ކަނޑުމަގުންނާއި ވައިގެ މަގުން ހިންގި ހާއްސަ އޮޕަރޭޝަނެއްގައި ބޭރު ގައުމެއްގެ ބޯޓެއް ރާއްޖޭގެ ކަނޑުގެ ސަރަހައްދުގައި ނުގަވައިދުން ހަރަކާތްތެރިވަމުން ދަނިކޮށް ހޯދާފައިވާ ކަމަށެވެ.

އެ ބޯޓު ހުއްޓުވައި ކޯސްޓްގާޑުން ހިފަހައްޓާފައިވާ ކަމަށް ވެސް ސިފައިން ބުނެފައިވެއެވެ.

އެކަމަކު އެ ބޯޓާ ބެހޭ އިތުރު ތަފްސީލެއް ސިފައިން އަދި ހާމަނުކުރެއެވެ.

ހަބަރު ކޯސްޓް ގާޑް އެމްއެންޑީއެފް