އއ.މަތިވެރި ފުލުސް ސްޓޭޝަނުގައި މަސައްކަތްކުރާ ފުލުހަކު އޭނާގެ ލޯބިވެރިޔާއަށް ބިރު ދެއްކި މައްސަލައާއި ގުޅިގެން ހައްޔަރުކޮށްފިއެވެ،
ފުލުހުން ބުނީ މި މައްސަލައިގައި ހައްޔަރުކޮށްފައިވަނީ މަތިވެރި، ފަޒާ ޒައިދާން މުހައްމަދު (19އ) ކަމަށެވެ.
ފުލުހުން ބުނީ އޭނާގެ ލޯބިވެރިޔާއަށް ބިރު ދައްކާ އޭނާގެ އޮރިޔާން މަންޒަރު ދައްކުވައިދޭ ފޮޓޯ އާއި ވީޑިއޯ ސޯޝަލް މީޑިއާގައި ލީކުކޮށްލާނެ ކަމަށް ބުނެ ބިރުދައްކާ އިންޒާދު ދީ ބްލެކްމެއިލް ކުރި ކަމަށް ތުހުމަތުކުރެވޭ މައްސަލަ އާއި ގުޅިގެން މި މަހުގެ 13 ވަނަ ދުވަހު ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށެވެ.
މި މައްސަލައާއި ގުޅިގެން އޭނާގެ ބަންދާ މެދު ގޮތެއް ނިންމުމަށް މަތިވެރި ކޯޓަށް މިއަދު ހާޒިރުކުރުމުން 3 ދުވަހަށް ބަންދުކުރުމަށް އަމުރުކޮށްފައިވާ ކަމަށެވެ.
އިތުރަށް ފުލުހުން ބުނީ މި މައްސަލަ ތަހުގީގުކުރަމުން އަންނަކަމަށެވެ.
