މޯލްޑިވްސް މީޑިއާ ކައުންސިލް (އެމްއެމްސީ) އިން ދިން ނޫސްވެރިންގެ އެވޯޑުގެ މައްސަލަ ބަލަން އެ ކައުންސިލްގެ މެންބަރުން ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީއަށް މިއަދު ހާޒިރުކުރުމަށް ފަހު އެ ކޮމިޓީ ސިއްރުކޮށްފިއެވެ.
ޕީއެސްއެމުން އެ ކައުންސިލްގެ މައްސަލައެއް ބަލައިދިނުމަށް އެދި ރައްޔިތުންގެ މަޖިލީހަށް ހުށަހެޅުމާއި ގުޅިގެން އެމްއެމްސީގެ މެންބަރުންނާ، ކޮމިޓީއަށް ހާޒިރުކޮށްފައިވާއިރު ޕީއެސްއެމްއިން ލައިވް ކަވަރޭޖް ހަދާ ހަފްލާތަކުގައި ދައްކާ ވީޑިއޯ ފުޓޭޖްތަކަކީ ޕީއެސްއެމްގެ އެޑިޓޯރިއަލްއަށް ފެތޭ ކޮންޓެންޓަށް ވާން ޖެހޭކަމަށް ޕީއެސްއެމްއިން ވަނީ ބުނެފައެވެ. އެހެން ނަމަވެސް އެ ކޮންޓެންޓާ ހިލާފު ވީޑިއޯއެއް އެވޯޑު ދިނުމުގެ ހަފްލާގައި ދެއްކީ ކުރިން އެންގުމަކާ ނުލައިކަމަށާއި އެމްއެމްސީއިން އެގޮތަށް އަމަލުކުރީ ގަސްތުގައި، ދުރާލާ ރާވައިގެން ކަމަށް ޕީއެސްއެމްއިންވަނީ ތުހުމަތުކޮށްފައެވެ.
ނޫސްވެރިކަމުގެ އިނާމުގައި ތަހުގީގީ ނޫސްވެރިކަމުގެ ދާއިރާ (ވީޑިއޯ) އިން އަދަދު ނޫހުން އުފެއްދި "ސްކީލާން" ޑޮކިއުމެންޓަރީއަށް އިނާމު ލިބުމާ ގުޅިގެން އެމްއެމްސީއަށް ބޮޑެތި ތުހުމަތުތަކެއްވަނީ އަމާޒުވެފައެވެ.
ނޫސްވެރިކަމުގެ އިނާމު ދިނުމުގައި މިއަހަރު މަގާމުގެ ނުފޫޒު ބޭނުންކޮށްފައިވާ ކަމަށް ތުހުމަތުކުރެވޭތީ އެ މައްސަލަ ބެލުމަށް އެންޓި ކޮރަޕްޝަން ކޮމިޝަނުން އެމްއެމްސީ އަށް ވަދެފައިވާއިރު މި ޑޮކިއުމެންޓަރީ އަކީ ރައީސް ޑރ. މުއިއްޒުގެ ދޮންމަންމަ ޖީ ސްކީލާންގެ މައްޗަށް އުފެއްދި ޑޮކިއުމެންޓަރީ އެކެވެ.
ސޯ ކްލީން އޯމޯ