ހުޅުމާލެ ފަޅުތެރޭގައި އޮތް ސަފާރީއެއްގައި ރޯވެ އަނދާ ހުލިވެއްޖެއެވެ.
އެމްއެންޑީއެފް އިން ބުނީ، ހުޅުމާލެ ފަޅުތެރޭގައި އޮތް "ބުލޫވޭގާ" ނަމަކަށް ކިޔާ ސަފާރީއެއްގައި އަލިފާން ރޯވެގެން އެމްއެންޑީއެފް ފަޔާ އެން ރެސްކިއު ސާވިސް އިން ހަރަކާތްތެރި ވަމުން އަންނަ ކަމަށެވެ.
ރޭ މެންދަމު 3 ވެސް ޖެހިފަހުން ހިނގި ކަމަށް ހަބަރު ލިބޭ މިހާދިސާއާ ގުޅިގެން އެމްއެންޑީއެފް އިން ބުނީ، އެފަރާތަށް މައުލޫމާތު ލިބުނީ ފަތިހު 4 ޖެހުމާ ގާތްވެފައި ވަނިކޮށް ކަމަށެވެ.
މި ހާދިސާގައި މީހަކަށް އަނިޔާވި ކަމުގެ މައުލޫމާތު ލިބިފައި ނެތް ކަމަށް ވެސް އެމްއެންޑީއެފް އިން ބުނެއެވެ.
ސޯޝަލް މީޑިއާގައި ދައުރުވި ވީޑިއޯއިން ފެންނަ ފެނުމަށް މުޅި ސަފާރީގައި ވަނީ އަލިފާން ހިފާ ވަރަށް ބޮޑަށް ރޯވެފައެވެ. އަދި ކަޅު ބޯ ދުންތައް އަރާތަން ފެންނަ އިރު މީހެއްގެ ހިލަމެއް ވާތަނެއް ނުފެނެއެވެ. އަދި ކައިރީގައި އެހެން އުޅަނދުތައް ހުރި ނަމަވެސް އަލިފާނުގެ އަސަރު ކުރާހާ ކައިރި އަކު އުޅަނދެއް ވީޑިއޯއިން ފެންނާކަން ނެތެވެ.
