ދިވެހިރާއްޖޭގައި ތައްޔާރުކުރެވިފައިވާ ފުރަތަމަ އެންޑްލެސް ރަނާ ގޭމް ކަމުގައިވާ "އަތޮޅު ދުވުން" ގޭމުން ވަނަތަކަށް ދާ ފަރާތްތަކަށް މި ނޮވެމްބަރު މަހުވެސް އަގުހުރި އިނާމުތަކެއް އުރީދޫ މޯލްޑިވްސް އިން ކަނޑައަޅައިފިއެވެ.
އުރީދޫއިން ބުނީ ނޮވެމްބަރު މަހު އެއްވަނައަށް ދާފަރާތަކަށް އެލް މޮބައިލް އިން މޮގޫ ބޯލްޓް 700ސީ ހައިބްރިޑް ރޯޑް ބައިސްކަލެއް ލިބިގެން ދާނެކަމަށެވެ.
މީގެއިތުރުން މި މަހުގެ ގޭމުން ފެނިގެންދާނީ ޏ. ފުވައްމުލަކު ކަމަށްވެސް އުރީދޫއިން ވަނީ ބުނެފައެވެ.
އެޕަލް އެޕްސްޓޯ އަދި ގޫގަލް ޕްލޭ ސްޓޯ އިންވެސް އަތޮޅު ދުވުން ޑައުންލޯޑުކުރެވޭނެއެވެ. މިގޭމުގައި 12 ލެވެލް ހިމެނޭއިރު، ކޮންމެ ލެވެލް އަކު އާ ރަށަކަށް ދަތުރު ކުރެވޭނެ ކަމަށާއި، އަންލޮކް ވެގެން ދާ ލެވެލް ކުޅެވޭނީ ހަމައެކަނި ެ މަހު ކަމަށްވެސް އުރީދޫ އިން ވަނީ ބުނެފައެވެ.
ކަރަންޓުގައި ހިމެނޭ މަންޒަރުގައި ސިއްރު އާޓްވޯކެއް ހިމެނިފައިވާކަމަށާއި، މި އާޓްވޯކް ގޭމްގެ ތެރެއިން ހޯދައިގެން ބޯނަސް ލެވެލް އެއް ކުޅުމުގެ ފުރުސަތު ލިބުގެން ދާނެ ކަމަށްވެސް އުރީދޫ އިން ވަނީ ބުނެފައެވެ.
އަތޮޅު ދުވުން ގޭމަކީ ރާއްޖޭގައި އުފައްދާފައިވާ ފުރަތަމަ ކެޝުއަލް ރަނާ ގޭމެވެ. މި ގޭމު ތައްޔާރު ކުރީ ލޫފްކްރާފްޓް ޓީމުންނެވެ.
