"ޒިއޯން މޯބައިލް 4" ގެ ބިއްލޫރިގަނޑު ތަޅާލައި، އެ ފިހާރައިން ވައްކަން ކުރި މައްސަލައިގައި މީހަކު ހައްޔަރުކޮށްފިއެވެ.
ފުލުހުން ބުނީ މި މައްސަލައާއި ގުޅިގެން 47 އަހަރުގެ ފިރިހަނަކު ހައްޔަރުކޮށްފައިވާކަމަށެވެ.
ފުލުހުން ބުނީ މަޖީދީމަގު 'ޒިއޯން މޯބައިލް 4' ފިހާރައިގެ ބިއްލޫރިގަނޑު ތަޅާލައި އެފިހާރައިން ވައްކަންކޮށްފައިވާ މައްސަލަ ރޭ ފަތިހު 5:35 ހާއިރު ފުލުހުންނަށް ރިޕޯޓުކޮށްފައިވާކަމަށެވެ.
ޒިއޯން ފިހަރައިގެ ސީސީޓީވީ ފޫޓޭޖްގެ މަންޒަރުތައް މިހާރު ސޯޝަލް މީޑިއާގައި ދަރުވަމުން އަންނައިރު، އެ ވީޑިއޯއިން ފެންނަނީ ހިނގާފައިދާ މީހަކު، ފިހާރައިގެ ބިއްލޫރިގަނޑު ތަޅާލާފައި ދާ މަންޒަރު ފެނިގެން ދެއެވެ. އަދި ފިހާރަ ތެރެއިން ގިނަ އަދަދެއްގެ ކޮތަޅުތަކެއް ހިފައިގެންދާ މަންޒަރު އެ ވީޑިއޯ އިން ފެނިގެންދެއެވެ.
ކޮތަޅުތައް ހިފައިގެން ދިއުމަށްފަހު އަނެއްކާ ވެސް އެބުރި އައިސް ފިހާރައަށްވަދެ ފިހާރައިގެ ކައުންޓަރުގެ ވަތްގަނޑު ފަޅާލާ މަންޒަރު ފެނިގެންދެއެވެ. އަދި ފިހާރައިގެ ހުރި ފޯނުތަކާއި ވައްގަނޑުން އެހެނިހެން ސާމާންތައްވެސް ހިފައިގެންދާ މަންޒަރު ފެނެއެވެ.
މި މިހާގެ ވަނަވަރު އަދި ފުލުހުން އާންމުކޮށްފައި ނުވާއިރު މި މައްސަލަ ދަނީ އިތުރަށް ތަހުގީގުކުރަމުންނެވެ.
