މަޝްހޫރު ސިނަމަޓޮގްރާފަރު ހަސަން ހަލީމު (ކޮކޯ) ޑައިރެކްޓްކޮށް ގެނެސްދޭ ފިލްމު "ގެއްލުނު ރޭ" ރޭ އޮލިމްޕަހުގައި ޕްރިމިއާ ކޮށްފިއެވެ.
މިއަހަރު އޮލިމްޕަހުގައި އަޅުވާ 11 ވަނަ ފިލްމު "ގެއްލުނު ރޭ" އަކީ ކޮކޯގެ ދަރިފުޅު، މަޝްހޫރު ލަވަކިޔުންތެރިޔާ އަންދަލާ ހަލީލް ޕްރޮޑިއުސްކޮށް ގެނެސްދޭ ފިލްމެކެވެ. މި ފިލްމަކީ ކޮކޯ ގެ ފުރަތަމަ ފީޗާ ފިލްމުވެސްމެއެވެ. ދެރިޔާ" އާއި "އަމާނާތް" އަދި "ލަސްވިޔަސް" ފަދަ ފިލްމުތަކުގެ ކެމެރާމަންކަން ކޮށްފައިވާ ކޮކޯގެ އަލަތު ޑައިރެކްޝަނުގައި ހަރަކާތްތެރިވާ ތަރިންނަކީ މުހައްމަދު މަނިކު، އައިމިނަތު ޝުހާ، އިބްރާހީމް ޖިހާދު (ޖިމީ)، މަރިޔަމް ޝިފާ، މަރިޔަމް ހަލީމް އަދި އަލަށް ފިލްމީދާއިރާއަށް ތައާރަފުކުރާ ކުޑަކުއްޖާ ކައުސަރެވެ.
ބިރުވެރި ޖޯންރާއަކަށް ބިނާކޮށް ތައްޔާރު ކޮށްފައިވާ މި ފިލްމުގެ ސްކްރީންޕްލޭ ތައްޔާރުކުރީ ރިޝްތާއެވެ. މިއަހަރަކީ އޮލިމްޕަހަށް ދިވެހި ފިލްމު ތިޔާގި އަހަރެކެވެ. އަހަރު ފެށުނީއްސުރެ ފުލުފުލުގައި އޮލިމްޕަހުގައި ދިވެހި ފިލްމު އަޅުވަމުން އަންނައިރު ރޭ މި ފިލްމު ޕްރިމިއާކުރިއިރު އަންނަ މަހުގެ 20 ވަނަ ދުވަހު ކަޒްމިކް އިންޓަނޭޝަނަލް އާއި އައިފިލްމްސް ގުޅިގެން ގެނެސްދޭ ފިލްމު "ދޭދަރު ރުއިން" ޕްރިމިއާކުރުމަށް ވަނީ ހަމަޖެހިފައެވެ. މި ފިލްމަކީ މުޅިން އަލަށް ޑައިރެކްޝަނަށް ނުކުތް އައްޒާމް ލިޔެ، ޑައިރެކްޓްކޮށްފައިވާ މި ފިލްމުގެ މައިގަނޑު ތަރިންގެ ތެރޭގައި ހަރަކާތްތެރި ވާނީ ޝަރަފު އަބްދުﷲ އާއި މައިހާ އާދަމާއި ހާފިޒް މުހައްމަދުގެ އިތުރުން މޫސާ ރަޝީދެވެ.
