މިދިޔަ މަހުގެ 12 ވަނަ ދުވަހުން ފެށިގެން 30 ވަނަ ދުވަހުގެ ނިޔަލަށް ހުޅުމާލެއިން 6,693 އުޅަނދު ހުއްޓުވައި، ބަލައިފާސްކޮށްފައިވާ ކަމަށް ފުލުހުން ބުނެފިއެވެ.
މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ކުރަމުންދާ މަސައްކަތުގެ ތަފާސް ހިސާބު ފުލުހުން ވަނީ އާންމުކޮށްފައެވެ.
އެގޮތުން މިދިޔަ މަހުގެ 12 އިން 30 އަށް 1،266 ކާރު އަދި 5،427 ސައިކަލު ބަލައި ފާސްކޮށްފައި ވެއެވެ. އަދި ގަވާއިދާ ހިލާފުވުމުގެ ސަބަބުން އޭގެތެރެއިން 88 ކާރާއި 394 ސައިކަލަށް ވަނީ ފިޔަވަޅު އަޅާފައެވެ.
މީގެއިތުރުން ސައިސެންސް ނެތި ދުއްވި 10 ކާރަކާއި 102 ސައިކަލެއް ހުއްޓުވާފައި ވާއިރު، އެ މުއްދަތުގައި 20 ސައިކަލެއް ޓޯ ކޮށްފައިވާ ކަމަށް ފުލުހުންގެ ތަފާސްހިސާބުތަކުން ދައްކައެވެ. އަދި 515 މީހަކަށް ނަސޭހަތް ދީފައިވެއެވެ.
ޓްރެފިކް ވައިލޭޓްވެގެން 34 ކާރު އަދި 148 ސައިކަލު ހުއްޓުވާފައިވާކަން ފުލުހުން ވަނީ ފާހަގަކޮށްފައެވެ. މީގެއިތުރުން ނުރައްކާތެރިކޮށް ދުއްވި 43 އުޅަނދެއް ވެސް ހިފަހައްޓާފައިވާ ކަމަށް ފުލުހުން ބުނެއެވެ.
ފުލުހުންގެ ތަފާސްހިސާބުތަކުން ދައްކާގޮތުގައި މި އަހަރުގެ މިހާތަނަށް 2،100 އެކްސިޑެންޓެއް ވަނީ ހިނގާފައެވެ.
