ގުރުއާން ހިތުދަސްކޮށް ސަނަދު ހާސިލު ކުރި 28 ހާފިޒަކަށް ރައީސުލްޖުމްހޫރިއްޔާ، މެޑަލް ދެއްވައިފިއެވެ.
މިއީ އޮކްޓޯބަރު 2022 އިން ސެޕްޓެންބަރު 1، 2024 ގެ ނިޔަލަށް ގުރުއާން ހިތުދަސްކޮށް ސަނަދު ހާސިލުކުރި 28 ހާފިޒުންނެވެ. ރާއްޖެ އިސްލާމްވި ދުވަހުގެ މުނާސަބަތުގައި ދަރުބާރުގޭގައި މިއަދު ބޭއްވި ރަސްމީ ޖަލްސާގައި މެޑައްޔާއި ހަނދާނީ ލިޔުމާއި އިނާމު ލިބިފައި ވަނީ؛
- ފާތިމަތުދީދީ، ޝެވިލް، ސ. ހިތަދޫ
- ޖަމީލާ އަލީދީދީ، ދޫޑިގަން، މައްސާގުގެ، ޏ. ފުވައްމުލައް
- ފާތިމަތު އިޝާ، ނިޒާމް، ށ. މިލަންދޫ
- ހަކީމަތު މުހައްމަދު، ފުނާޑު. ހީނާގެ، ޏ. ފުވައްމުލައް
- އާމިނަތު ލަތީފާ، ތިބްރޯޒްގެ، ސ. ހިތަދޫ
- މޫސާ އަޝްހަލް އަޝްރަފް، ހ. އީސްޓްލައިޓް
- ފާޔިމަތު އަހްމަދު، ދަޑިމަގު. ގުލްދަސްތާގެ، ޏ. ފުވައްމުލައް
- އަބްދުﷲ ރަޝީދު، އަލުއިމާގެ، ސ. ހިތަދޫ
- އަބްދުﷲ ބިން ޔާމީން، މޫންލައިޓްހިޔާ، ސ. މަރަދޫ
- ސައުދިއްޔާ މޫސާ، މީނާޒް، ށ. ބިލެތްފަހި
- ސަހިއްޔާ ޢަބްދުލްޣަނީ، ކުރިބޯށި، ރ. މީދޫ
- ޔުމްނާ އަބްދުލްޢަޒީޒު، ފެހިގެ، ދ. މީދޫ
- މުހައްމަދު ޔޫނުސް ބިން އިބްރާހީމް ޒާހިރު، ޖަވާހިރުމާގެ، ރ. ފައިނު
- ރާހިން ބިން މުހައްމަދު، މާތޮޑާއަވަށް. ޖަގަހަ، ގދ. ފަރެސްމާތޮޑާ
- އިޒްކާން އަޖީބް ހުސައިން، ގ. ފަރެސް
- މުހައްމަދު ހަނޫން ހުސައިން، ފަރުބަދަ، ސ. ފޭދޫ
- އަލީ ރައީފު، ދޮންމޫނިމާ، އއ. ތޮއްޑޫ
- ފާތިމަތު ނަސީރާ، ނިކަގަސްދޮށުގެ. ސ. ހިތަދޫ
- އަޒީން މުހައްމަދު، ދަޑިމަގު. ބެންހާގެ، ޏ. ފުވައްމުލައް
- ރަސްލާން އަބްދުއްރައްޒާގް އީސާ، އަންބަރީގެ، ރ. މީދޫ
- ޝަބީނާ އަބްދުﷲ، އަސްވާޑު، ގއ. ދެއްވަދޫ
- މޫނިސާ އަބްދުއްރަޙީމް، ކިނާރާ، ނ. ލަންދޫ
- އާސިރު އަރިފް ޔޫސުފް، އަޅިވިލާގެ، ބ. އޭދަފުށި
- އަލާވީ އައްޔޫބް ބުން މުހައްމަދު ޝުޖާއު، މއ. ރަތްއެންދެރި
- އަބްދުﷲ ހަޔާން ހަމީޒް، ގުރަހަ، ޅ. ނައިފަރު
- ރައްޔާން އަހްމަދު މުހައްމަދު، ދަޑިމަގު. ދޫރެސް، ޏ. ފުވައްމުލައް
- އައިޝަތު ސާއިބަތު މުހައްމަދު ރިކްޒާން، ފެމެލީ، ޅ. ނައިފަރު
- ބިލާލް ބިން އަހްމަދު، ގ. ހީނާހިޔާ
މި ޖަލްސާގައި ވާހަކަފުޅު ދައްކަވަމުން ރައީސް ވަނީ، ދިވެހި މުޖުތަމައަކީ ގުރްއާނާއި ސުންނަތް އިރުޝާދު ދޭ ފަދައިން ބައްޓަންވެފައިވާ ރަނގަޅު މުޖުތަމައަކަށް ބަދަލުކުރުމުގައި ހުރިހާ ފަރާތްތަކުން ބައިވެރިވެ އެއްބާރުލުން ދިނުމަށް އެދިވަޑައިގެންފިއެވެ. އަދި ނިޔަތާއި ބަހާއި އަމަލުން އިސްލާމްދީނުގައި ސާބިތުވެ ތިބުމަށް ވެސް ދިވެހި ރައްޔިތުންނަށް އެމަނިކުފާނު އިލްތިމާސް ކުރެއްވިއެވެ.
ދިވެހީން އިސްލާމްދީން ބަލައިގަތުމުގައި ހިމެނޭ ދުނިޔެވީ ސަބަބެއް ކަމަށް ފެންނަން އޮތީ އިސްލާމްދީން ގެނެސްދޭ އަމާންކަމާއި ރައްކާތެރިކަން ކަމުގައި ވިދާޅުވެ، އެމަނިކުފާނު ވަނީ، ދިވެހިރާއްޖެ އިސްލާމްދީނަށް އެނބުރިފައިވާ ދުވަސްވަރަކީވެސް މެދުކެނޑުމެއްނެތި މި ސަރަހައްދުގެ ބާރަކުން ރާއްޖެއަށް ހަމަލާދީ ގޯނާކުރަމުން އައި ދުވަސްވަރެއް ކަން ފާހަގަ ކުރައްވާފައެވެ.
ދިވެހިރާއްޖެ އިސްލާމްވުން ފާހަގަކުރެވޭ ދުވަހު، ނަމޫނާ ލިބިގަންނަންވީ ރަސޫލާ ސައްލަﷲ އަލައިހިވަސައްލަމަ ދުނިޔެއަށް ގެނެސްދެއްވި މޫރިތި ރިވެތި އަހްލާގީ ސިފަފުޅުތަކުން ކަމުގައި އެމަނިކުފާނު ވިދާޅުވިއެވެ. އަދި ދޮގު ހެދުމާއި ދޮގު ހަބަރު ފެތުރުމާއި އާޑަ ފުރައްސާރައިގެ ފިތުނަވެރި އަމަލުތަކުގައި ބައިވެރި ނުވާން އަޒުމު ކަނޑައެޅުމަށާއި ރަނގަޅު ވާހަކައެއް ނޫނީ ނުބުނުމަށް ސުންނަތުން އިރުޝާދު ލިބޭކަން ރައީސުލްޖުމްހޫރިއްޔާގެ ވާހަކަފުޅުގައި ފާހަގަކުރެއްވިއެވެ.
ދިވެހިރާއްޖެ އިސްލާމްވި ދުވަހުގެ މުނާސަބަތުގައި ބޭއްވި ރަސްމީ ޖަލްސާގައި ރައީސުލްޖުމްހޫރިއްޔާގެ އަރިހުގައި އެމަނިކުފާނުގެ އަނބިކަނބަލުން މެޑަމް ސާޖިދާ މުހައްމަދުގެ އިތުރުން ދައުލަތާއި ސަރުކާރުގެ އިސްވެރިންވެސް ބައިވެރިވެ ވަޑައިގެންނެވިއެވެ.
