މާފަންނު ގެސްޓު ހައުސްއެއްގެ ކޮޓަރިއެއްގައި މީހަކަށް ހަމަލާދީ ޒަހަމްކޮށްލި މައްސަލައިގައި ދެ މީހަކު ހައްޔަރުކޮށްފިއެވެ.
ފުލުހުން ބުނީ މި މަހުގެ 9 ވަނަ ދުވަހު މާލޭ ގެސްޓު ހައުސްއެއްގައި ޒަހަމްތަކަކާއެކު ފެނުނު މީހާއާއި މެދު މާރާމާރީ ހިންގިކަމުގެ ތުހުމަތުގައި މި މަހުގެ 11 ވަނަ ދުވަހު ދެ މީހަކު ހައްޔަރުކޮށްފައިވާ ކަަމަށެވެ.
މި މައްސަލައިގެ ތުހުމަތުގައި ހައްޔަރުކޮށްފައިވަނީ ފައުޒަން ޒަރީރު (23އ) ކ.ތުލުސްދޫ / ޕެރިސް އަދި އަހްމަދު މާޒިން އިބްރާހީމް (23އ) މއ.ވޮއްކޮޅުގެއެވެ.
މި ދެމީހުންގެ ބަންދާމެދު ގޮތެއް ނިންމުމަށް މިއަދު ކްރިމިނަލް ކޯޓަށް ހާޒިރުކުރުމުން ޝަރީއަތް ނިމެންދެން ބަންދުކުރުމަށް އަމުރުކޮށްފައިވާ ކަމަށެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.
މި ހާދިސާގައި ޒަހަމްވި މީހާއަށް އަދިވެސް ފަރުވާދެމުން އަންނަނީ އައިޖީއެމްއެޗް އައިސީޔޫގައެވެ.
